Accessibility links

сишәмбе, 6 декабрь 2016, Казан вакыты 04:00

Beslan öçen xoquq saqlawçılar cawaplı


Vladikavkaz -- Tönyaq Osetiä parlamentınıñ Beslan faciğäsen tikşergän komissiäse bügen räsmi qaraşqa qarşı kilgän xisap bäyän itte. Älege komissiä "Beslan faciğäse xoquq saqlaw oyışmalarınıñ tieşle eşlämäwe arqasında bulğan" digän näticä çığardı. Uzğan yılnıñ sintäberendä Çeçen separatisları Beslan mäktäbendä meñnän artıq keşene totıq itep aldı. Qotqaru operatsiäse waqıtında 330dan artığı häläk buldı, kübese balalar. Rusiä räsmiläre monıñ öçen totıq aluçılarnı ğäyepläde - alar mäktäp eçendä bomba şartrlatqaç ğına federal köçlär höcüm başladı dip belderde. Ämmä komissiä başlığı Stanislav Kesaev süzlärençä, ul berençe şartlawnı totıq aluçılar başqarğan dip tögäl äytep bulmıy. Xisapta federal köçlärneñ höcüm waqıtında tanklar, granatometlar qullanğanın raslağan dälillär kiterelä. Nixayät, Kesaev süzlärençä, şundıy zur sanda qorallı keşelärneñ sizdermiçä şähärgä kerüe dä - xoquq saqlaw oyışmalarınıñ tieşle eşlämäwen kürsätä.

XS
SM
MD
LG