Accessibility links

дүшәмбе, 5 декабрь 2016, Казан вакыты 23:36

30 000 AQŞ xärbie Ğiraqtan kitä ala


Bağdad -- Ğiraqnıñ İminlek Şurası kiñäşçese Moaffaq Äl-Rubai 30 meñläp amerikan xärbie kiläse yıl başında Ğiraqtan kitergä mömkin dip belderde. Bu turıda ul bügen Reuters agentlığına äytte. Anıñ süzlärençä, Ğiraq armiäse häm iminlek köçläreneñ äzerlege artqan, ğisyan, kiresençä kimügä taba bara.

Ul arada Ğiraqta çit il keşelären urlawlar däwam itä. Amerikan xärbiläre häm Ğiraq politsiäse belderüençä, Balad qalasında qorallı keşelär İrannan kilgän 6 säfärine, alarnıñ yörtüçesen häm tärcemäçene totıq itep alğan. 2 İranlı xanım, häm yörtüçe belän tärcemäçe soñraq irekkä çığarılğan. Uzğan comğada Ğiraqta alman watandaşı Susanne Oşthoff yuğalğan ide. Bügen Germaniä kanslerı Angela Merkel "bez anıñ urlanğan buluın tanırğa mäcbür" dip belderde. Alman mediası xäbär itüençä, urlawçılar, Germaniä Ğiraq xökümäte belän xezmättäşlegen tuqtatmasa, Susanne xanımnı üterü belän yanıy. Monnan tış şimbä könne ber humanitar oyışmanıñ 4 xezmätkäre totıq itep alınğan ide – 2 kanadalı, 1 britan häm ber amerikan.

XS
SM
MD
LG