Accessibility links

Кайнар хәбәр

Üzbäkstanda yabıq mäxkämälär bara


Taşkent -- Keşe xoquqların yaqlaw oyışmaları Üzbäkstan räsmilären Ändican xällärenä bäyle yabıq mäxkämälär oyıştıruda ğäyepli. Human Rights Watch oyışmasınıñ Taşkenttağı wäkile Andrea Berg süzlärençä, şundıy ike mäxkämä uzğan atnada Taşkent yanındağı Yaña-bazar häm Tuytepa qalalarında başlanğan. Üzbäkstannıñ Keşe xoquqların yaqlaw törkeme, tağın ber şundıy mäxkämäneñ başqaladan 150 çaqırım yırqlıqta, Yangier qalasında baruın xäbär itte. Bu mäxkämälärdä niçä keşe ğäyeplänüe bilgesez. Küptän tügel Üzbäkstannıñ Yuğarı mäxkämäse 15 keşene Ändican xällären oyıştıruda ğäyepläp berniçä yılğa törmägä xökem itkän ide. Xoquq yaqlawçılar bu mäxkämäne ğädelsez dip sanıy.
XS
SM
MD
LG