Accessibility links

сишәмбе, 6 декабрь 2016, Казан вакыты 11:21

Mäskäw Kievtan bazar bäyäse sorıy


Mäskäw -- Rusiäneñ däwlät qaramağındağı Gazprom şirkäte, ägär Ukraina kiläse yılda 1 meñ kubometrğa 160 dollar tülärgä rizalaşmasa, gaz bäyäsen tağı da yuğarıraq kütärü belän kisätte. Gazprom räise urınbasarı Aleksandr Medvedev älege täqdimne dä kompromis dip atadı. Ukrainada bez täqdim itkän bäyä belän Yevropa bäyäläre arasındağı ayırmanı añlawçı belgeçlär citärlek. Moña da riza bulmasalar, yaña bäyä tağı da yuğarıraq bulaçaq, dide Gazprom wäkile. Rusiä belän Ukraina arasında gaz bäyäse tiräsendäge bäxäs inde küptän bara. Xäzer Ukraina meñ kubometrğa 50 dollar tüli. Monıñ bäräbärenä Rusiä Könbatış Yevropağa gaznı Ukraina aşa qua. Alğa taba Rusiä Ukrainadan bazar bäyäsen tülätmäkçe, kileşügä ireşelmäsä, Könbatış Yevropağa gaz cibärü tuqtatılrğa mömkin dip kisätä. İke ilneñ räsmiläre kiläse atnada Mäskäwdä oçraşırğa cıyına.

XS
SM
MD
LG