Accessibility links

пәнҗешәмбе, 8 декабрь 2016, Казан вакыты 11:00

Färit Urazaev: «Tatar balası cır-moñ belän üsärgä tieş»


Soñğı 10 yılda tatarlar küpläp yäşägän Rusiä töbäklärendä millättäşlärebezneñ mädäniäte, uqu, belem alu däräcäse kütärelä bara. Töbäklärdä tatar yäkşämbe mäktäplären açu, tatar gimnaziälären buldıru häm başqa yunäleşlärdä eş alıp baru näticäsendä uñışqa ireşep bula. Moña misal itep, Başqortstannıñ Bäläbäy şähärendä 10 yıl elek tatar gimnaziäseneñ oyışıp kitüen äytep bulır ide.

Bügenge köndä 10 yıl däwerendä eşläwçe gimnaziäneñ tatar milläten üsterüdäge role ğayät zur. Tatarça belem alğan yeget – qızlarnıñ küpläre Qazan yuğarı uqu yortlarına belem alırğa kilä.

Pänceşämbe könne Bötendönya tatar kongressı Başqarma komitetı, Tatarstannıñ mädäniät häm mäğärif ministrlıqları isemennän Bäläbäy gimnaziäseneñ yubileena kongressnıñ başqarma komitetı wäkile, Rusiä tatarlarınıñ milli – mädäni möxtäriäte räistäşe Färit Urazaev, kitte. Säfärgä çığar aldınnan Färit äfände “Azatlıq” radiosına menä bolay dide: “Bu yubileyğa barğanda bez küçtänäçlär alıp barabız. Ul balalar häm uqıtuçılar öçen tatarça kitaplar, däresleklär. Şulay uq tatar balaları tatar telendä genä uqıp qalmıyça, ä tatar cır- moñnarı belän suğarılıp üsärgä tieşlär. Häm şuña kürä bez alarğa 1500 cır kergän karaoke büläk itäçäkbez. Kiläçäktä min uylıym, uquçılarğa häm möğallimnärgä eşlärendä yärdäm itär. Bügenge köndä Bäläbäy gimnaziäse ul üzenä kürä tatar gimnaziäläre arasında üzençälekle häm bäräkätle gimnaziä”.

Äye, küplär, bigräk tä tatarlar Nurmöxämmät Xösäinovnı yaxşı belä. Çönki ul 3 yıl elek Rusiä Prezidentı Vladimir putin belän oçraşqanda Başqortstanda tatarlarnıñ xäle, milli mäğärif üseşe mäs’äläsen kütärep çıqqan ide. Monıñ öçen Nurmöxämmät Xösäinovqa bik zur qıyınlıqlar kiçerergä turı kilä, ämma ul alarğa bireşmiçä үzeneñ xoquqların yaqlap, 17 mäxkämä eşen kiçerde häm alarnıñ küpçelegendä üzeneñ xaqlığın isbatlap ciñep çıqtı. 2003 yılda Nurmöxämmät Xösäinovnı Başqortstan prezidentına saylanu öçen imzalar cıyıp, saylaw aldı kompaniäsen başlağan ide. Älbättä bu ğämällär ezsez genä qalmadı, aña küp törle basımnar yasaldı. Xäzer inde ul säyäsättän bigräk, üz eşe, milli mäğärifne üsterü belän şöğellänä.

Gölnaz Şäyxetdin

XS
SM
MD
LG