1nçe dekaberdä respublikada İnvalidlar unkönlege başlanıp kitte. Bügen Tatarstanda 217 meñ invalid bar, şularnıñ 17 meñe - balalar. Pänceşämbedä tantanalı räweştä sirk binasında başlanıp kitkän İnvalidlar unkönlege waqıtında törle çaralar ütkäreläçäk: 2 dekaberdä invalidlarğa buşqa munça kerü mömkinlege birelä, bişendä şähärneñ Xalıqnı sotsial' yaqtan tä'min itü üzägendä tügäräk östäl oyıştırıla häm başqa küp kenä çaralar qaralğan. Buşqa çäç aldıru yäki munça kertü ber qarağanda naçar tügel, bilgele, läkin tabiğät tarafınnan räncetelgän bu keşelär, möğayın, cılı süzgä, räximle qaraşqa moxtacdır. Bez bu keşelärgä qarata nindi mönäsäbättä? Xalıq fikere
- Min alarğa yärdäm dä itäm. Mäsälän, suqır keşe yulnı ütä di, nigä aña bulışmasqa äle.
- Cällärgä kiräk inde. Ämma alar cälläp qarağannı kimsetü dip tä qabul itärgä mömkin. Yaratmasqa mömkin cillägänne.
- Min cällim andıy keşelärne. Alarğa yärdäm itärgä kiräk. Ä kem yärdäm itä soñ alarğa? Änä pensionerlar niçek ğazaplana, darularğa 50% taşlama da kürsätmilär bit üzlärenä.
Al'bina Zäynulla
