Accessibility links

пәнҗешәмбе, 8 декабрь 2016, Казан вакыты 17:11

Ukraina bazar iqtisadlı dip tanıldı


Kiev -- Yevropa Berlege Ukrainağa "bazar iqtisadı" statusın birde. Bu turıda bügen Kievta, Ukraina-Yevropa Berlege sammitında iğlan itelde. Älege status Ukrainağa Yevropa Berlege belän säwdä bäyläneşlären ciñeläytergä mömkinlek biräçäk. Ukraina prezidentı Viktor Yuçenko Ukrainanıñ Yevropa Berlegenä kerüe Berlekneñ üzenä dä faydağa bulaçaq dide. Şuşı startegik maqsat qısalarında eşläp, bez Ukrainanıñ Berlekkä kerüe Yevropa keşelärenä zıyanğa tügel, kiresençä, faydağa bulaçağın kürsätergä tırışaçaqbız, dide ul. Yevropa Berlegendä räislek itkän Britaniä premier-ministrı Tony Blair Ukrainanıñ "bazar iqtisadı" bularaq tanıluı – çiksez täräqqiät protsessında ber genä adım bulıp tora dide. Taraflar energetika, aviatsia, iärçen texnologiäse ölkäsendä berniçä kileşü imzaladı.

XS
SM
MD
LG