Accessibility links

якшәмбе, 11 декабрь 2016, Казан вакыты 01:33

Rusiä milli gäzitläre arasında, tatarçası - berençe


Bu könnärdä Mäskäwdän küñelle xäbär kilep töşte. Milli tiraj komissiäse «Watanım Tatarstan» gäzitenä, "Yıl rekordı" digän büläk birgän. Älege tatar gäzite, sertifikatsiä ütkän milli gäzitlär arasında iñ zur tirajlısı, dip tabılğan. «Watanım Tatarstan» gäziteneñ tirajı - 21 meñ tiräse. Tatarstanda annan zurraq tirajlar cıyğan basmalar da bar, diärsez. «Tatarstan yäşläre» gäzite, «Yuldaş» häm başqalar. Ämma alarnıñ tirajları milli tiraj xezmäte tarafınnan raslanmağan. Şuña kürä, «Watanım Tatarstan» gäzite baş möxärrire, sertifikat bulmıyça, qaysı gäzitne iñ küp keşe uqıy, qaysısı iñ pupulär häm iñ tä’sirlese, obyektiv räweştä äytep, bulmıy, di. Älege räsmi tatar gäzite, «Veçernya Kazan» gäzite belän bergä, milli tiraj xezmätendä, tirajnı raslatqan bulğan. Şuşı yuldan uzğan milli basmalar arasında, «Watanım Tatarstan» gäzite Rusiädä milli matbuğatlar arasında 2004 yılda iñ zur tirajlısı dip tanılğan. Äle küptän tügel genä, tiraj xezmäteneñ bülägen alıp qaytqan gäzitneñ baş möxärrire Minnazim Säfärov belän tirajlarnıñ döreslege, tatar uquçısı turında äñgämä qordıq. «Tatarstanda 90 mäğlümat çarası milli tiraj xezmäteneñ sertifikatın alğan. «Komsomolskaya Pravda» gäzite belän çağıştırıp qarağanda bezneñ tiraj bik tıynaq, ämma xikmät sanda tügel.»- dip cawap birde ul. Minnäzim Säfärov äytkänçä, ul kiläçäktä tirajnı, 30-40 meñgä arttırırğa teli. «Watanım Tatarstan» gäzite berniçä yıl eçendä, yözen dä, eçtälegen dä üzgärtte, 12 meñlek tirajdan başlap, taralu danäsen 21 meñgä qädär attıruğa ireşte. Yäğni anıñ ber distägä yaqın yaña uquçı barlıqqa kilgän. Xäzer, gäzit citäkçelege, «Watanım Tatarstannı» tatarlar yäşägän başqa töbäklärgä taratu öçen tırışlıq alıp bara. Bıyıl, gäzit, Rusiä katologına kerä almağan, amma çittäge tatarlar basmanı aldırırğa telilär. Basmanı Tatarstannan çitkä taratu, berdäm poçta tarifları bulmaw säbäple, yazılu bäyäsen ber niçä tapqırğa artıruğa kiterä. Moña Rusiä häm Tatarstan poçtaları arasındağı nizaq da, täesir itä, di Minnazim Säfärov

XS
SM
MD
LG