Omski moxtariäteneñ xäle

Omski ölkä tatar milli-mädäni moxtariäteneñ xäle kritik noqtağa kilep citte. Berençedän, elek xäbär itüebezçä, 10 dekabergä qädär moxtariät urnaşqan bina öçen burıçlar tülänmäsä anı qaldırırğa turı kiläçäk, ikençedän, ütkän comğağa qarşı töndä älege binağa qaraqlar kerep, moxtariätneñ mölkäten - elektron texnika, telefon, muzıka uynatuçı apparatura, fotoapparat kebek äyberlären häm alardan başqa, seyfın açıp anda bulğan aqçaların häm dokumentların da urlağannar.

Xälil abıy: Böten bulğan, qarawılnı bäyläp, beraz bulğan aqçanı da, 200 meñgä yaqın baylıqnı ala kitkännär...

Sez moxtariät räise urınbasarı Xälil Sadıykovnı tıñladığız.

Bu ayanıç xäl buyınça cinayät eşe açıldı häm tikşerü bara, ämma älegä bernindi näticägä dä ireşelmäde. Şulay itep moxtariätneñ bolay da qatlawlı xäle tağı da möşkellände, moña qädär şähärneñ küçemsez milek agentlığına bulğan burıçlarnı tülärgä bälki niçek tä ber cayı tabılır digän soñğı ömetlär dä özelde. “Üz aqçamnı tülädem, ızğıştım, sudlaştım – törle ısullar belän bina öçen köräştem – bulmadı”,-di moxtariät räise Xaqim Sadıykov. “Bez, Sadıykovlar, milli xäräkättän kitärgä mäcbür bulabız”, - dip anıñ fikeren däwam itä ölkän Sadıykov. Xakim häm Xalil Sadıykovlarnıñ üzlären tıñlap qarıyq.

Xäkim: platil svoi dengi...

Xälil abıy: Moña qädär Xakim Kadıymoviç advokat gonorarınnan 4 meñ tüläp tordı, qaywaqıtmı sponsorlar beraz yärdäm itep tordı, xäzerge köndä arenda tüläwe 6 märtäbä arttı. Postoyanno Qazanğa da möräcäğät ittek, ölkä administratsiäsenä, şähär meriäsenä dä möräcäğät ittek, törle çığışlar yasadıq, trebovat' itep, bezgä binanı qaq sobstvennost' birsennär, ili arendnıy platanı üz öslärenä alsınnar dip. Bezneñ möräcäğätlärgä cawap ta birmilär. Bernindi podderjqa yuq, dal'şe bez eşne däwam itä almıybız menä tiz könnärdä bez pomeşçeniene buşatabız...

Elek xäbär itkänebezçä, moxtariätneñ küptän tügel uzğan utırışında tağı ber märtäbä tatar millätennän bulğan eşmäkärlär belän oçraşu kiçäse oyıştırırğa, alarğa xälne añlatıp, yärdäm sorarğa dip qarar qılınğan ide. Bernigä qaramastan bilgelängän könendä bu oçraşunı ütkärergä buldılar häm ütkän atnanıñ comğa kiçendä moxtariät binasında aktiv häm “Umırzaya” ansamble üzeşçännäre çaqırılğan eşmäkärlärne qarşı aldı. Ämma kilüçelär bik az – bar tik 4 keşe genä buldı. Äytergä kiräk, yaz köne dä mondıy oçraşunı oyıştırıp qarağannar ide. Bu xaqta tıñlawçılarıbızğa beldergän idek. Keşe anda kübräk kilgän bulsa da, eş cıyılışıp söyläşüdän arı kitmäde. Bu yulı da citdi söyläşü buldı, törle fikerlär äytelde. Küptän tügel Ust'-İşem rayonınnan Omskiğa küçep kilgän Şäyxulla Bariev, bälki citäkçene alıştırırğa kiräkter digän fiker dä belderde.

Bariev: bolee aktivnıyrak eşläw kiräk naverno, osobenno liderlarğa, Xäkim abıyğa, xäzer Omskida yäşäyem, böten nimä kürenä, Ust'-İşemdä yäşägändä uylağan idem deystivitel'no monda eş bara dip. Xalıqnı privlekat' itkäle kiräk...

Soraw: Bügen dä keşe az kilgän, bezneñ tatarlarnıñ sülpänlegeme?

Bariev: Monda praktikuetsya, kemneñ kesäsendä aqça bar, şularnı çaqırabız... s miru po nitke, ğolomu rubaşqa ... mojet lidernı menyat' itkäle kiräk... bolee molodomu liderstvonı birergä kiräk ... bezgä, tatarlarğa monda kosolidirovat'sya itep, zdaniene qaldıru kiräk...

Zaripov, Katıyrov: nu a potom razvivat'sya nado...

Şäyxulla Bariev ta, Räys Zaripov ta Marat Katıyrov ta , nindi yullar belän bulsa da binanı qaldıruğa ireşergä, ämma bina üzen-üze aqlasın öçen anda nindider eşçänlek cäyeldergä kiräk didelär

Marat Katıyrovnıñ, bergä tuplanırğa kiräk, añlap betermägän çaqlarıbız bar, monda cıyılğan tatarlar arasında ğına tügel, barlıq tatarlar arasında da añlaşu bulsın ide digän süzlären xupladılar, ämma niçek tuplanırğa, niçek añlaşuğa ireşergä - bu sorawlar cawapsız qaldı. Oçraşunıñ axırında şähär häm ölkä citäkçelärenä aqsaqallar şurası wäkilläre aşa möräcäğät itärgä digän qararğa kildelär.

Rozaliä Sayganova, Omski