Accessibility links

якшәмбе, 11 декабрь 2016, Казан вакыты 01:29

Mäskäw deputatları tatarlarğa wäğdä birä


4 dekaberdä Mäskäw dumasına saylawlar ütärgä tieş. Mäskäwdä ber millionğa yaqın tatar yäşäwen saylawlar aldınnan bigräk tä yış işetergä turı kilä.Tatarlar öçen buşlay konsertlar da, tatar üzägendä oçraşular da ütkärälär deputatqa nämzät buluçılar. Şundıy ber oçraşu 1 dekaberdä Mäskäwneñ tatar etnokultura yünäleşendä eşläwçe, 1186 mäktäptä ütte. Anda mäktäp urnaşqan kön''yak könçığış prefektura başlığı Vladimir Zotov, Mäskäw duması räise Vladimir Platonov , Mäskäw duması deputatı Lyudmila Stebenkova, Mäskäwneñ tatar cämäğätçelege dä qatnaştı. Oçraşunı milli mädäni möxtäriät räise Räsim Aqçurin alıp bardı. Vladmirmir Platonov üzeneñ çığışında Mäskäwdä milli mäktäplärne beterergä kiräk digän çığışlar waqıtında, bez, Mäskäw duması milli mäktäplärne saqlap qaluğa ireştek, dide. Ä inde Vladimir Zotov tatarlar Mäskäwdä millionğa yaqın, şunıñ kürä Mäskäw öçen ber genä mäktäp az, tağın ber-ike okrugta tatar mäktäpläre açarğa kiräk, ide digän täqdimen äytte. Ul könne täğdimnär dä, deputatlarğa nakazlar da küp yañğıradı. Çönki ul könne mäktäpkä kilgän, deputatlıqqa nämzät buluçılar, äle bügenge köndä Mäskäw duması deputatları ide. Tatar xalıq “Watan” partiäse räise Möxämmät Minaçev, İzmaylav parkı mäs’äläsen kütärep çığıp. Ğozeren deputatlar qulın yazma räweştä dä tapşırdı. Ğömer ğömergä İzmaylov parkı cäy könnärendä atna sayın tatarlarnıñ oçraşu urını ide. Anda säxnä dä, köräş öçen mäydan da uyınnar öçen urınnar da citärlek ide. Xäzer säxnä sütelgän, köräş mäydanı çüp urınına äylängän, dide Minaçev. Ul urınnar tözekländerelep, cäy könnärendä tatarlarnıñ oçraşu urını bulırğa tieş dide Möxämmät Minaçev. Şulay uq ul Mäskäw televidenie kanalında atna ber genä säğät bulsa da tatar programması kürsätelsen ide digän täqdimen belderde. Şulay uq Ğayaz Yanbaev ta berniçä yıl inde Könyaq Konçıygıyş okrugta mäçet tözeleşen qayğırtıp yörüen äytte häm urın bülep birelgän bulsa, bügenge köngä qädär anda başqa oyışma xuca buluın, tözeleşne başlarğa mömkinlek birmäwlären äytte. 1186 mäktäp direktorı Lemma Girfanova üz çiratında mäktäpneñ yaña binasın tözüne tizlätüne. Häm uqıtuçılar öçen tulay toraq bülep birüne soradı. Ul oçraşuda deputatlar wäğdälärgä saran bulmadılar, yäşlär programması turında da söylädelär, yärdämnärennän taşlamasqa süz bireldelär. Barı tik “Berdäm Rusiä” öçen tawış biregez didelär alar. Ä inde “Azatlıq” radiosı xäbärçese “Rodina” partiäseneñ televideniedä kürsätkän reklamasına Mäskäw duması räise niçek qarıy. Ul partiä bulletennardan sızıp taşlanğanmı soñ digän sorawğa Vladimir Platanov(audio): Mäskäw şähär mäxkämäse Rodina partiäsen saylawlarğa kertmäskä digän qarar çığarsa da. Alar bu qararnı tanımıy, anı yuğarı mäxkämängä birgännär. Şulay itep Mäskäw şähär mäxkämäseneñ qararı äle üz köçenä kermägän. “Rodina” partiäse xatta televideniedän kürsätelgän ul reklamanı fransuz telenä tärcemä itep. Anı fransuzlar reklaması dip añlatırğa tırışqan. Bu xaqta fransuz ilçelege dä qarşılıq beldergän. Häm Mäskäw mäxkämäsenä törle milli oyışmalardan da möräcäğätlär bulğan. Küp millätle Rusiädä mondıy xällär bulmasqa tieş, dide Vladimir Platonov.

Soñğı xäbärlärgä qarağanda Rodina partiäse advokatı Boris Kuznetsov Mäskäw şähär mäxkämäse qararına qarşı yuğarı mäxkämägä 1 dekaberdä genä möräcäğät itüenä qaramastan., bu partiäne yaqlawçılar “Rodina” saylawlarda qatnaşır dip ömetlänä. Xatta üzäk saylaw komitetı räise Aleksandr Veşnyakov ta “Rodinalar” reklamasında bernindi qayıp kürmi ikän. Bu reklamada äxlaq normaları bozılğan bulsa da, qanun bozılmağan dip bara “Rodina” partiäsen yaqlawçılar.

Näzifä Kärimova, Mäskäw

XS
SM
MD
LG