Accessibility links

сишәмбе, 6 декабрь 2016, Казан вакыты 21:01

Qazan idäräse başlığı urınına bäyge ütte


Şähär idäräse başlığı urınına 8 keşe däğwä itte. İrtänge 10nnan şähär Ratuşasında Bäyge kommissiä eşen başlap cibärde. Anıñ öçen xätta Xabarovskiydan, Qazan şähär deputatı häm komissiäse başlığı Kamil İsxaqov ta qaytqan ide. Ul ike eştä tä eşläwen däwam itä. Komissiä 6 keşedän torğan : Kamil İsxaqov, deputatlar şurası citäkçese urınbasarı Lyudmila Andreeva, deputat Rıbuşkin, respublika xakimiälärennän, prezident idäräse citäkçese Yuriy Qamaltdinov, Däwlät Şurasın räise urınbasarı Aleksandr Gusev, Yustsiä ministrı Midxät Qormanov.

Şuşı komissiä aldında, nämzätlär üzläreneñ teläk-täqdimnären beldergännär, sorawlarğa cawap birgännär. 8 nämzätneñ berse, xäzerge şähär başlığı İlsur Metşin bulğan. Ul başqalar belän ber uk däräcädä yarıta qatnaştı. Nämzätlärdän böten saylawlarda qatnaşuı belän bilgele Dmitriy Berdnikov ta bar ide. Elekke prezident kiñäşçese häm elekke tele-radiokompaniä citäçese İrek Mortazin da üzen nämzät itep kürsätkän bulğan. Şulay uq, qayçandır deputat bulğan Vladimir Kubitskiy, fizika uqıtuçı Turin Oleg äfände, eşmäkär İldar Xaliullin häm gäzit xäbärçese Galaburdova Natalia. Älege xäbärçe, qızıq öçen, eksperiment öçen genä qantaşuın belderde, fizika uqıtuçısı komissiä utırışına kilmäde. Qalğan nämzätlär çığış yasadı. Komisiäneñ utırışı, yabıq işeklär artında ütte, jurnalistlar, söyläşüdän çıqqan keşelär belän genä aralaşa aldı. İlsur Metşin, jurnalistlar belän söyläşep tormadı, bäyge komissiäse belän oçraştı da, kitep bardı. Näzmätlärneñ berse, İrek Mortazin, komissiä aldına çığış yasağannan soñ, sorawlarğa cawap birergä rizalaştı.:« Miña, Kamil Şamil ulı, sez nigä bu urınğa däğwä itärgä buldığız, digän soraw birde. Min, şähärneñ yäşäyeşe öçen, anıñ kiläçäge öçen däwlät xakimiäte birgän cawaplılıqnı östemä alırğa äzer, dip cawap birdem. Min uylawımça, anda barısı da aldan xäl itelgän, bu bäygegä oxşatıp yasalğan ğına ide, dip toyıldı miña »

Näzmätlär beldergänçä, alar komissiä aldında, şähärne qaysı yuldan alıp barırğa, üseşne niçek küz allawı turındağı sorawlarğa cawap birergä tieş bulğan. Mäsälän, İrek Mortazin, qazan artilleriä uçilişesınıñ qırların alıp, tözelşetä qullanu ideyäsen beldergän. İkençe nämzät Bädertdiov Nizametdin äfände, yäşlärne bozıqlıqtan saqlaw häm alar öçen toraq tözügä iğtibarnı yünältergä täqdim itkän. Nizamtdin äfände, moña qädär zur çinovnik bulmağan, ul meditsina iminiät fondında eşli xäzer. Ul, qanunnar birgän mömkinlektän faydalanıp qalırğa telägän. Şuña, bu bäygedä qatnaşırğa bulğan ikän. Bädertdinov Nizametdin äfände bäygedä qatnaşunı, añlarğa teläweçlär az buldı, dide. Mikrofonsız söyläşkändä, ul eşne saqlap qalmawına da qurqınıç belderde. Çönki zamanalar üzgärsä dä, fikerläw iskeçä qaldı, dide ul. Komissiä utırğan bülmädän Dmitriy Berdnikov çıqtı. Ul, bäygeneñ barışı belän qänäğät bulmawın belderde häm mäxkämägä möräcäğät itäçägen xäbär itte. Dmitriy Berdnikov üze söylägänçä, sorawlarğa cawap biräse urınğa, ul komissiä äğzälärenä üze sorawlar quyğan, alarnıñ cawap birüen taläp itkän. Dmitriy Berdnikovnıñ mäxkämäğä yış yörüe, jurnalistlarnı şaqqatırmadı. Bäyge tämamlanğannan soñ, komissiä citäkçese Kamil İsxakov jurnalistlar aldına çıqtı häm bäyge näticälären iğlan itte. Bäyge şartları nigezendä komissiä näzmätlärdän 2 keşe saylap alırğa tieş bulğan. Alarnıñ berse İlsur Metşin bulır, dip kötelgän ide. Ämma ikençe keşe, bezneñ äñgämädäş Bädertdinov Nizametdin äfände bulıp çıqtı. Bu xaqta Kamil İsxaqov äytte. Jurnalistlar Kamil İsxaqovtan, bu sezneñ öçen, ciñel genä bäyge bulmağandır, dip qızıqsındı. Ul, äye, , Qazannıñ kemneñ qulında qaluın beler öçen, minem urınğa qalğan keşegä kiñäş belän yärdäm itügä ber adım ide, dip cawap birde Kamil İsxaqov.

Şähär deputatları, şimbä köngä bilgelängän utırışta, ike nämzät arasında bersen saylarğa tieş bulaçaq. Bu bäygedä İlsur Metşinnıñ ciñüendä şiklänüçelär yuq diärlek. Soñınnan, munispal qanun taläp itkänçä, bäygedä ciñgän nämzätne, Qazan şähär idäräse başlığı urırına kontrakt nigezendä eşkä alaçaqlar. Munisipal berämlek başlığı itep, haman da Kamil İsxaqov qala, şuña kürä, bäygedä İlsur Metşin ciñgän oçraqta, Kamil İsxaqov anı eşkä alırğa tieş bula.

Bikä Timerova

XS
SM
MD
LG