Accessibility links

шимбә, 3 декабрь 2016, Казан вакыты 01:33

Belarus xakimiäte abruyın töşersäñ - cäza


Minski -- Belarus parlamentı Cinäyätlär Kodeksına xakimiätneñ abruyın töşergän öçen cäza qaralğan östämälär qabul itte. Yaña qanun nigezendä Belarustağı säyäsi häm iqtisadi wazğiät turında çit illärgä yalğan mäglümät taratuçılar 2 yılğa törmägä xökem iteläçäk. Xakimiätne bärep töşererägä, ilneñ bötenlegenä yanağan ğämällärgä çaqıruçılarğa 3 yıl törmä yanıy. Prezident Aleksandr Lukaşenka täqdim itkän bu qanun öçen 97 deputat uñay, 4se qarışı tawış birde. Belarus oppozitsiäse bu qanunnı 2006 yılda ütäçäk prezident saylawları aldınnan qurqıtu säyäsäte dip atadı. Belarusnıñ iminlek xezmäte, bu qanun Ukraina, Gruziä, Qırğızstandağı kebek inqilablarnı buldırmas öçen kiräk dip belderä. Kiläse yılda yänä prezidentlıqqa däğwa itergä cıyınğan Aleksandr Lukaşenka, çit ildän qotırtılğan här demonstartsiäne quıp taratırğa wäğdä itte.

XS
SM
MD
LG