Baqı -- Prezident İlham Aliev yaña saylanğan deputatlarnı "açıq häm ğädel köräştä" ciñüläre belän qotladı. Räsmi näticälärgä qarağanda, Mäclestäge 125 urınnıñ 56sın prezident taraflı "Yaña Äzerbaycan" partiäse wäkilläre alaçaq. Tärtip bozular terkälgän 10 bülgedä qabat saylawlar ütäçäk. Parlamentqa oppozitsiädän ütkän 9 deputat bügenge utırışta qatnaşmadı. Mäcles räise itep "Yaña Äzerbaycan" partiäse wäkile Oqtay Asadov saylandı. Ul yaña parlament prezident säyäsäten xuplayaçaq, dip belderde.
