Accessibility links

пәнҗешәмбе, 8 декабрь 2016, Казан вакыты 11:02

Qıtay Rusiägä yärdäm itergä tırışa


Pekin -- Qıtaynıñ Tirä-yün moxit saqlaw idaräse başlığı bügen wazifasınnan kitüe turında belderde. Kitüneñ säbäpläre äytelmi, läkin ul ike atna elek ximiä şirkätendä bulğan şartlaw belän bäyle dip sanala. Qaza näticäsendä ağulı matdälär Amurğa qoyğan Songua yılğasına eläkte häm xäzer Rusiägä taba ağıp kilä. Qıtay ğäyeben tanıp Rusiägä yärdäm kürsätergä tırışa. Rusiä prezidentınıñ Yıraq könçığış bülgesendäge wäkie Kamil İsxaqov bügen Qazanda bolay dide: "Qıtaylılar bu eşkä äwzem kereşte. Bügen alar Xabarovskiğa su tikşerä torğan 6 cixaz kiterde. Şulay uq 150 tonna maxsus kümer kiterelä başladı, ul sunı çistartu öçen kiräk." İsxaqov süzlärençä, ağulı tapnıñ Amurğa citüe Dikäberneñ 13lärenä kötelä.

XS
SM
MD
LG