Başqortstannıñ Bäläbäy şähärendäge danlıqlı tatar gimnaziäsendä comğa könne zur bäyräm. Biredä tantanalı şartlarda gimnaziäneñ 10 yıllıq yübileyen bilgelilär. Danlıqlı uqu yortın şuşı täwge kürkäm yübileye belän qotlarğa dip Ufadan respublik Mäğärif ministrlığınnan, şulay uq Tatarstannan baytaq qına qunaqlar kilgän. Bötendönya Tatar kongressınnın Färit Urazayıv citäkçelegendäge wäkillek, şulay uq Çallıdan häm Tübän Kamadan qunaqlar bar. Gimnaziäneñ uñışları, biredäge uqu-uqıtu eşläre belän tanışıp çıqqannan soñ, qunaqlar kiçen tantanalı utırışqa häm ädäbi-muzıykäl tamaşa qararğa cıyıla.
Gimnaziä direktorı Nurmöxämät Xösäyenov äytüençä, gimnaziäneñ şuşı yübileyenä uquçılar da, uqıtuçılar da bik ilhamlanıp äzerlängän. Gimnaziägä üzeneñ oyışqan könennän ük başlap diärlek törle kirtälär, qarşılıqlar ütärgä turı kilde, di Nurmöxämmät Xösäyenov. “Tatarstannan çittä, Rusiädä berençe bulıp açılğan Bäläbäy tatar gimnaziäse ul qarşılıqlarnı ciñä bardı häm başqalarğa ürnäk kürsätä başladı, - dip ğorurlıq belän äytä Nurmöxämät äfände. - Çığarılış sıynıf uquçılarınıñ zur küpçelege bıyıl da yuğarı uqu yortlarına kergän. Gimnaziädä qayber fännär buyınça profille belem alğan uquçılar üzlärenä oşağan hönär yünäleşendä Qazandağı wuzlarğa da qabul itelde”. (audio)
Başqortstandağı Bäläbäy tatar gimnaziäse direktorı Nurmöxämät Xösäyenov buldı bu. Älege aldınğı uqu yortı bügen üzeneñ 10 yıllıq yübileyen bilgeli.
Bäläbäy tatar gimnaziäse respubliktağı tatar gimnaziäläre arasında iñ köçlese. Biredä barlığı 250 tiräse bala belem ala. Alar uquda iñ yaxşı ölgereşkä ireşä. Gimnaziädä millät balaların xalqıbız tarixına häm tuğan telebezgä xörmät ruxında tärbiäläwgä ayıruça zur iğtibar birelä. Uquçılarnıñ törle sälätlären üsterü öçen distägä yaqın icadi tügäräk häm osta qullar ostaxanäläre dä eşli biredä. Xätta küp balalar gimnaziäne tämamlağanda uq tege yäki bu qul eşläre buyınça hönärle bulıp çığa. Sportqa da zur iğtibar birelä biredä. Üzläre tözegän sport qompleksında törle sport törläre, şul isäptän tatar milli köräşe belän dä şöğellänälär. Ğomumän, üzeneñ yuğarı däräcäsen tota tatar gimnaziäse. İlledän artıq yuğarı belemle, üz eşlärenä ixlas birelgän möğallimnär eşli biredä.
Bügenge yübiley tantanalarında qatnaşuçılar gimnaziägä üzläreneñ istälekle büläklären, uqu kiräk yaraqların, bixisäp kitaplar da alıp kilgän.
Gimnaziä direktorı Nurmöxämät Xösäyenov äytüençä, gimnaziäneñ şuşı yübileyenä uquçılar da, uqıtuçılar da bik ilhamlanıp äzerlängän. Gimnaziägä üzeneñ oyışqan könennän ük başlap diärlek törle kirtälär, qarşılıqlar ütärgä turı kilde, di Nurmöxämmät Xösäyenov. “Tatarstannan çittä, Rusiädä berençe bulıp açılğan Bäläbäy tatar gimnaziäse ul qarşılıqlarnı ciñä bardı häm başqalarğa ürnäk kürsätä başladı, - dip ğorurlıq belän äytä Nurmöxämät äfände. - Çığarılış sıynıf uquçılarınıñ zur küpçelege bıyıl da yuğarı uqu yortlarına kergän. Gimnaziädä qayber fännär buyınça profille belem alğan uquçılar üzlärenä oşağan hönär yünäleşendä Qazandağı wuzlarğa da qabul itelde”. (audio)
Başqortstandağı Bäläbäy tatar gimnaziäse direktorı Nurmöxämät Xösäyenov buldı bu. Älege aldınğı uqu yortı bügen üzeneñ 10 yıllıq yübileyen bilgeli.
Bäläbäy tatar gimnaziäse respubliktağı tatar gimnaziäläre arasında iñ köçlese. Biredä barlığı 250 tiräse bala belem ala. Alar uquda iñ yaxşı ölgereşkä ireşä. Gimnaziädä millät balaların xalqıbız tarixına häm tuğan telebezgä xörmät ruxında tärbiäläwgä ayıruça zur iğtibar birelä. Uquçılarnıñ törle sälätlären üsterü öçen distägä yaqın icadi tügäräk häm osta qullar ostaxanäläre dä eşli biredä. Xätta küp balalar gimnaziäne tämamlağanda uq tege yäki bu qul eşläre buyınça hönärle bulıp çığa. Sportqa da zur iğtibar birelä biredä. Üzläre tözegän sport qompleksında törle sport törläre, şul isäptän tatar milli köräşe belän dä şöğellänälär. Ğomumän, üzeneñ yuğarı däräcäsen tota tatar gimnaziäse. İlledän artıq yuğarı belemle, üz eşlärenä ixlas birelgän möğallimnär eşli biredä.
Bügenge yübiley tantanalarında qatnaşuçılar gimnaziägä üzläreneñ istälekle büläklären, uqu kiräk yaraqların, bixisäp kitaplar da alıp kilgän.
