Accessibility links

шимбә, 3 декабрь 2016, Казан вакыты 01:31

Ufada Xäniä Färxi ğastrolläre bara


Ufada kürenekle cırçı, Tatarstannıñ xalıq artistqası Xäniä Färxineñ çirattağı ğastrol'läre başlanıp kitte. Başqortstanda tuıp üskän talant iäse tuğan yağı tamaşaçılarına ör-yaña konsert proğrammasın alıp kilgän. Kompozitorlarnıñ yaña cırları da, tatar xalıq cırları da zur urın bili yaña tamaşada. “Bäyräm”ansamble yegetläre belän qızları şulay uq yaña biyülär dä täqdim itä sänğät söyüçelärgä.

Xäniä Färxineñ Ufağa icadi säfäre başqalanıñ Motor tözüçelär mädäniät sarayında başlanıp kitte. Aldağı könnärdä “Bäyräm” ansamble Ufanıñ şähär mädäniät sarayında häm “Yübileynıy” mädäniät sarayında çığış yasıy. Xäniä Färxi atnaqiç könne Başqortstan jurnalistları öçen matbuğat oçraşuı da oyıştırdı häm küpsanlı sorawlarğa cawaplar birde. Üzeneñ yaña proğramması xaqında fikerläre belän urtaqlaşıp bolay dide ul.

Ufada çirattağı icat säfären başlağan kürenekle cırçı Xäniä Färxi fikerlären işettegez. Bıyıl Xäniä Färxi üzeneñ 45 yäşen bilgeläde. Şuşı uñaydan yaqtaşları, Täteşle rayonı xaqimiätläreneñ bik matur at büläk itülären dä äytte ul. Ufada bulğanda Xäniä xanım Başqortstan telewideniesenä häm törle radio qanallarına barıp tapşırularda da qatnaşaçaq häm anda yaña cırların da qaldıraçaq.

Fänis Fätxi, Ufa

XS
SM
MD
LG