Accessibility links

якшәмбе, 4 декабрь 2016, Казан вакыты 00:46

BMO Säddamnı xökem itü eşe xalıqara taläplärgä turı kilerlek däräcädä tügel di


BMOnıñ Ğiraqta keşe xoquqları öçen cawaplı wäkile John Pace Reuters xäbär agetnlığına ilneñ elekke citäkçese Säddam Xösäinne xökem itü advokatlarğa höcümnär häm Ğiraqnıñ yustitsiä sistemasındağı citeşsezleklär säbäple xalıqara taläplärgä turı kilä almıy dide. Pace mäxkamä ğädel bulsın öçen advokatlar irekle häm näticäle eşläw mömkinlegenä iä bulırğa tieş di. Üktäberneñ 19-ında Säddamnı häm anıñ 7 berektäşen xökem itü başlanğannan birle bu eştä qatnaşuçı 2 advokat üterelde. Bügen xakimiätlär Sönni Ğäräplärneñ ğisyançı ber törkemeneñ düşämbe könne mäxkamä tıñlawlarınıñ öçençe öleşe açılğaç mäxkamägä höcüm itergä cıyınuı açıqlandı dip belderde. Alar mäxkamä binasına raketalar atırğa cıyınğan dielä.

XS
SM
MD
LG