Üzbäkstanda Andican waqiğälärenä bäyle tağın 25 keşe törmägä utırtırdı. Respublikanıñ yuğarı mäxkämäse, ğäyepläw fivral ayında tämamlanğan mäxkämä eşendä belderelgän ide, dip xäbär itte. Älege 25 keşegä 12dän alıp 22 yılğa qädär törmä cäzası bilgelängän. Alar keşe üterü, terrorçılıq, tıyılğan İslam oyışmalarında äğza bulu häm xökümätne bärep töşerü omtılışında ğäyeplänä. Üzbäk räsmiläre belderüençä, may ayında Andicandağı xalıq kütäreleşendä 187 keşe üterelgän, alarnıñ küpçelege – terrorçılar. Xoquq oyışmaları isä häläk bulğannarnıñ sanı küpkä yuğarıraq, häm ülüçelär arasında ğäyepsez keşelär bar, dip belderä.
