5 könlek Yewropa säfärenä çığar aldınnan Condoleezza Rice Andrews hawa nığıtmasında: "Äl-Qaidäneñ qulğa alınğan äğzaların häm tarafdarların bez suğış qanunnarı nigezendä äsir itelgän suğışçılar dip sanıybız. Bez alarğa ğonahsız keşelärne üterügä yul quymasqa tieş. Bez alar belän üzebezneñ qanunnar nigezendä eş itäbez. Başqalarnıñ ğömeren saqlar öçen alardan mäğlümät alırğa kiräk. Qayda ğına bulmasınnar bez alarnı möxkämägä tartrırğa tieş", dide. Rice CİAnıñ Könçığış Yewropadağı yäşeren törmäläre turındağı sorawğa cawap birüdän totılıp qaldı. Bez küzläw häm xärbi mömkinleklärne çiklägän mäglümätlärne aça almıybız dide ul häm başqalarnı monı añlarğa çaqırdı.
CİAnıñ yäşeren törmäläre turındağı mäğlümät matbuğatqa eläkkännän soñ, Yewropa Berlege moñarçı kürelmägän adımğa barıp Waşingtonnan añlatma sorarğa mäcbür buldı. Berlektä räislek itkän Britaniä Bush administratsiäsenä maxsus xat yulladı. Älegä ğäyepläwlär isbatlanmağan. Yewropa Şurası üzeneñ tikşerüen başladı. Yewropa komissiäse CİAnıñ qanunsız ğämällärendä qatnaşqan illärgä sanksiälär belän yanadı.
AQŞ däwlät departamentı älegä ğäyepläwlärne tanımadı da, kire dä qaqmadı. Atna axırında iminlek kiñäşçese Stephen Hadley Waşington üz konstitutsiäse häm xaılqara yöklämäläre nigezendä eş itä, Quşma Ştatlar partner illäreneñ möstäqillegen ixtiram itä, häm keşelärne cazalaw öçen dönya buylap küçerep yörtmi dide. Amerika terrorğa qarşı kürgän çaralar Yewropağa da faydağa dip östäde ul.
Bürusseldäge Yewropa säyäsäte üzäge belgeçe Fraser Cameron süzlärençä, Codolezza Rice üzeneñ säfäre waqıtında şuşı ğäyepläwlärne yomşartırğa tırışaçaq läkin bu ciñel bulmayaçaq. "Bu ğäyepläwlärneñ zıyanı Ğiraq suğışı kebek ük zur bulmas, läkin xalıq fikerenä tiskäre yoğıntısı bulaçaq. Bush administratsiäseneñ abruyı Yewropada bolay da 25%tan tübän. Mondıy wazğiättä säyäsätçelärgä Bush belän xezmätttäşlek itü awır", di Fraser Cameron.
Germaniäneñ Der Spiegel jurnalı Rice säfäre aldınnan ğına, äsirlär utırtqan CİA oçqıçları Germaniädä 400 dän artıq tuqtalış yasağan digän mäglümät bastırdı. Sişämbedä Rice Germaniä kanslerı Angela Merkel belän oçraşa. Germaniäneñ Tışıqı bäyläneşlär şurası wäkile Henning Riecke fikerençä, alman xökümäte Rice''tan añlatma taläp itäçäk, läkin eş kisken qarşılıqqa barıp citmiäçäk. "Bu ike yaqlı qılıç kebek. Qarşılıqqa barsañ, alman xökümätendä bu xällär turında belgän keşelär buluı açıqlanırğa mömkin. Ni öçen alar bu turıda aldanraq añlatma soramağan digän soraw tua ala", di Henning Riecke.
Berlinnan soñ Condoleezza Ricenıñ Buxarst, Kiev häm Brusselgä baruı qaralğan.
/ag
CİAnıñ yäşeren törmäläre turındağı mäğlümät matbuğatqa eläkkännän soñ, Yewropa Berlege moñarçı kürelmägän adımğa barıp Waşingtonnan añlatma sorarğa mäcbür buldı. Berlektä räislek itkän Britaniä Bush administratsiäsenä maxsus xat yulladı. Älegä ğäyepläwlär isbatlanmağan. Yewropa Şurası üzeneñ tikşerüen başladı. Yewropa komissiäse CİAnıñ qanunsız ğämällärendä qatnaşqan illärgä sanksiälär belän yanadı.
AQŞ däwlät departamentı älegä ğäyepläwlärne tanımadı da, kire dä qaqmadı. Atna axırında iminlek kiñäşçese Stephen Hadley Waşington üz konstitutsiäse häm xaılqara yöklämäläre nigezendä eş itä, Quşma Ştatlar partner illäreneñ möstäqillegen ixtiram itä, häm keşelärne cazalaw öçen dönya buylap küçerep yörtmi dide. Amerika terrorğa qarşı kürgän çaralar Yewropağa da faydağa dip östäde ul.
Bürusseldäge Yewropa säyäsäte üzäge belgeçe Fraser Cameron süzlärençä, Codolezza Rice üzeneñ säfäre waqıtında şuşı ğäyepläwlärne yomşartırğa tırışaçaq läkin bu ciñel bulmayaçaq. "Bu ğäyepläwlärneñ zıyanı Ğiraq suğışı kebek ük zur bulmas, läkin xalıq fikerenä tiskäre yoğıntısı bulaçaq. Bush administratsiäseneñ abruyı Yewropada bolay da 25%tan tübän. Mondıy wazğiättä säyäsätçelärgä Bush belän xezmätttäşlek itü awır", di Fraser Cameron.
Germaniäneñ Der Spiegel jurnalı Rice säfäre aldınnan ğına, äsirlär utırtqan CİA oçqıçları Germaniädä 400 dän artıq tuqtalış yasağan digän mäglümät bastırdı. Sişämbedä Rice Germaniä kanslerı Angela Merkel belän oçraşa. Germaniäneñ Tışıqı bäyläneşlär şurası wäkile Henning Riecke fikerençä, alman xökümäte Rice''tan añlatma taläp itäçäk, läkin eş kisken qarşılıqqa barıp citmiäçäk. "Bu ike yaqlı qılıç kebek. Qarşılıqqa barsañ, alman xökümätendä bu xällär turında belgän keşelär buluı açıqlanırğa mömkin. Ni öçen alar bu turıda aldanraq añlatma soramağan digän soraw tua ala", di Henning Riecke.
Berlinnan soñ Condoleezza Ricenıñ Buxarst, Kiev häm Brusselgä baruı qaralğan.
/ag