Accessibility links

дүшәмбе, 5 декабрь 2016, Казан вакыты 11:41

Tatar belgeçläre kiräkme?


Bügen Qazanda 5 meñnän artıq keşe eşsezlektän integä. Alarğa yärdäm itü öçen subsidiälärne arttıru mäs’äläne xäl itmäde, kiresençä aqça arttırılğaç eşsezlär sanı da kübäyde. Ä sişämbe könne eşsezlärgä Qazan yärminkäsendä eş urınnarı täqdim itelde. Yärminkägä eş ezläp 5 meñgä yaqın keşe kilde. Anda eşsezlär öçen 10 meñnän artıq eş urını täqdim itelde, şularnıñ 23%tı ğına xatın-qızlar öçen. Belgeçlär äytüençä, bıyıl Xezmät häm Mäşgullek üzäge yärdäme belän 7 meñgä yaqın keşe daimi eş urınnarı tapqan.

Kemder eş ezli, kemder alıştıra, ä kemder äle mäktäptä uqıp ta, eş turında qayğırta. Yärminkädä eş täqdim itüçe oyışmalar belän bergä urta hönär belemen birüçe uqu yortları da qatnaştı. Sişämbedä älege uçilişçe häm litseylar xaqında mäğlümat alırğa 10 meñnän artıq uquçı bala kilde. Tatar mäktäplären, tatar belgeçleklären tämamlawçılarğa älege yärminkä eş urınnarın täqdim itäme? Bu soraw belän “Azatlıq” xäbärçese Xezmät häm Mäşgullek üzäge xezmätkärenä möräcäğät itte. Bu sorawğa Ence Zakirova bolay cawap birde

Tatar telle balalar tärbiäçeläre, sekretar' referentlar, uqıtuçılar häm ğailädä balalar tärbiälärgä yärdäm itüçe - nyanyalar öçen eş urınnarı bar. Tatar telle älege belgeçlärgä moxtaclıq şaqtıy zur.

Qayber illärdä telne belmäw eşsez qaldıra. Avstraliädä, mäsälän, ingliz telen belmäwçelär eşkä kerä almıy. Anda ingliz telenä sotsial' ixtiac bar. Bezdä isä tatar telenä andıy ixtıäc tuuğa xıyallanırğa ğına qala. Şulay da Xezmät häm Mäşgullek üzäge xezmätkäre Tatarstanda tatar telenä sotsial' ixtiac bar dip sanıy.

Al'bina Zäynulla

XS
SM
MD
LG