Accessibility links

шимбә, 3 декабрь 2016, Казан вакыты 14:49

Lüblyanada YİXO cıyını näticäsez tämamlandı


Rusiä Gruziä häm Moldovadan üz ğäskärlären çığarmıy torıp Amerika Quşma Ştatları Yevropada ğädäti xärbi köçlär turındağı kileşügä qul quymayaçaq. Bügen bu xaqta Sloveniä başqalasında Quşma Ştatlar däwlät sekretareneneñ säyäsi mäsälälärdäge urınbasarı Nicholas Burns, Yevropada İminlek häm Xezmättäşlek Oyışmasınıñ utırışında belderde. Burns süzlärenä qarağanda, kileşü här ilgä üzendä xalıqara xärbi köçlärne qaldıru yä qaldırmaw turında qarar itü xoquqın birä: "Yevropada ğädäti xärbi köçlär turındağı kileşüneñ nigezen – äğza illärneñ xalıqara ğäskärlärne üzendä qaldıru-qaldırmaw xoquqı täşkil itä. Moldova häm Gruziä üzläre sayladı. Ğäskärlär kitergä tieş, häm Yevropadan İminlek wä Xezmättäşlek Oyışmasınıñ barlıq äğzaläre alarnıñ bu qararın xörmät itergä tieş." Oyşma bügenge utırışın ber nindi dä näticä yasamıyça tämamladı. Rusiä Yevropada İminlek häm Xezmättäşlek Oyışmasınıñ keşe xoquqları bülegenä häm Moldova, Gruziädän ğäskärlärne çığaru taläbenä qarşı çıqqan.

XS
SM
MD
LG