Accessibility links

Кайнар хәбәр

Tähranda oçqıç 10 qatlı binağa töşte: 111 keşe hälak buldı


İran başqalasınıñ Şahraq-e-Towhid bistäsendä bügen İrannıñ C-130 xärbi yök oçqıçı häläkätkä oçradı. Associated Press mäğlümat agentlığı, Tähran şähär başlığı süzlären kiterep, kimendä 111 keşe häläk bulğan, dip xäbär itte, alarnıñ 90nı – oçqıçta bulğan yulçılar häm oçuçılar ide. Polisiä mäğlümatenä qarağanda, oçqıç 10 qatlı binağa töşkän. Tährannıñ yanğın sünderü xezmäte başlığı Ziayi, jurnalistlarğa, binadağı keşelärne qotqarıp buluı turında söyläde: "Binağa ut qapsa da, oçqıç töşkän binadan keşelär qotqarıldı, yul yabıq ide. 5nçe qatta yanğın çıqtı, bäxetkä qarşı binadağı keşelär barısı da çığarıldı." İRNA mäğlümat agentlığı xäbär itüençä, oçqıçta küpçelege könyaqtağı Bandar Abbas portına yul totqan İran jurnalistları bulğan. Motorda texnik problema buluı açıqlanğaç oçuçı Tährannıñ Mährabad hawa alanına töşüne sorağan, ämma oçqıç hawa mäydanına barıp citä almıyça yul östendäge bistägä töşkän.
XS
SM
MD
LG