30 yılğa yaqın waqıttan soñ 19nçı dikaber könne berençe tapqır Äfğanstannıñ Milli Mäclese cıyılaçaq. Parlament wäkile Azizulla Ludin, soñğı tapqır 1973nçe yılda cıyılğan mäcles üzeneñ eşen yañadan başlarğa äzer, dip belderde. 18nçe sintäber könne äfğannar Wolesi Jirga, parlamentnıñ 249 keşelek tübän pulatın sayladı. Parlamentnıñ yuğarı pulatı, 102 urınlıq Meşrano Jirgada prezident tarafınnan bilgelängän häm vilayätlärdä saylanğan äğzälär bulaçaq. 90nçı yıllar suğışında cimerelgän milli mäcles binasın tözekländerü 3 million dollarğa töşkän.
