Accessibility links

якшәмбе, 11 декабрь 2016, Казан вакыты 10:56

2006 fevralendä keşe xoquqların yaqlaw ölkäsendä zur konferensiä uzaçaq


Rusiädä Yevropa mäxqämäsenä möräcäğät itüçelär sanı arta bara ikän. Xalıqnıñ küpçelege mäxqämä çığarğan qarar belän qänäğät bulmawdan möräcäğät itä. Tatarstannan ber şundıy oçraq terkälgän. Bu eşneñ Yevropa mäxqämäsendä qayçan qaralaçağı äle bilgele tügellege äytelde matbuğat oçraşuında. Ägär Yevropa mäqämäsenä möräcäğät itüçe ciñä qalsa aña zur külämdä ştraf tülänäçäk. Şuña xökümät öçen bu zur qänäğätsezlek uyata. Qaznağa bik qimmätkä töşüdän tış ul şiqayät kergän il qara isemlekkä elägä. Şuña da Räşit Vägıyzov keşelärgä üz xoquqların yaqlawda qıyuraq bulırğa kiräk dip aasızıqladı. Ämma kübeseneñ xoquqların belmäwlären bilgeläp uzdı.

İkençe klasstan uq mäktäptä xoquq belgeçlegen uqıtırğa kiräk. Bu federal' däräcädä bulırğa tieş.

Tatarstanda keşe xoquqların yaqlaw öçen yılına 1 meñnän artıq şiqayät belän möräcäğät itälär . Şunıñ 17 protsentı qanäğätl'nderelä. Bu zur sannar dielde matbuğat oçraşuında. Xäzer Tatarstan rayonnarında da keşe xoquqları öçen cawaplılar bilgelänä başlağan. İnde Çallı, Älmät, Yäşel Üzändä şähärlärendä buldırılğan. Ämma xezmät xaqı tülänmäw säbäple bu eşkä entuziastlar ğına alına ikän. Ägär Amerika Quşma ştatlarında 24 säğät buyına “Sezneñ xoquqlar” digän tapşıru barsa, Rusiädä här keşe üz xoquqı öçen üze köräşergä tieş. Ä xalıq arasında Rusiä Konstitutsiäsen ber tapqır qulına alıp qaramawçılar da bixisap. Bu mäs'älälär iyün urtasında uzğan xalıqara konferensiädä dä bilgelängän ide. Älege konferensyadä qabul itelgän rezolyutsiäse buyınça xäzer eşlär bara. Şunıñ berse BDB illäre buyınça keşe xoquqları öçen cawaplılar assotsiatsiäsen tözü. Räşit Vägıyzov anıñ ştab fatirınıñ Qazanda buluın bilgeläp uzdı.

Qazan Yevraziä başqalası. Şuña ştab-fatirı Qazanda bulaçaq. BDB illärendä bik küp tatarlar häm möselmannar yäşi.

2006 yılnıñ fevral' ayında Qazanda keşe xoquqların yaqlaw buyınça, dönyadağı böten konfessiä wäkilläre qatnaşında bik zur Xalıqara konferensiä uzaçaq. Çönki terrorlıqqa bäyläp keşe xoquqların bozu äledän-äle küzgä taşlana. Tatarstan prokurorı yärdämçese İldar Möxämmätcanov respublikada dini häm millätara nizağ çığarırğa teläweçlärneñ barlığın äytep uzdı.

Matbuğat oçraşuında xoquq saqlaw ölkäse qanunnarınıñ kamil tügellege bilgeläp äytelde. Xökem eşläreneñ kübese berniçä yıllarğa suzıla. Xäzerge waqıtta törmälärdä 17 meñ keşe xoquq qararın kötep yata.

Soñğı waqıtta xalıq arasında toraq mäs’äläse, taşlamalarnı aqçağa almaştıru belän bäyle şiqayätlär kübäygän. Yaña toraq kodeksı buyınça añlaşılmawçanlıqlar küp ikän. Kiläçäktä toraq kodeksın üzgärtü küzdä totıluı äytelde matbuğat oçraşuında.

Landış Xarrasova

XS
SM
MD
LG