Accessibility links

дүшәмбе, 5 декабрь 2016, Казан вакыты 01:21

AQŞ däwlät sekretare Ukraina citäkçelege belän oçraştı


Ukraina başqalasına kilgäç AQŞ däwlät sekretare Condoleezza Rice, Berläşkän Millätlär Oyışmasınıñ azaplawğa qarşı konvensiäse dönyadağı böten amerikan xärbilärenä qağıla, dip belderde. Oyışmanıñ älege dokumentı amerikan säyäsätenä nigez itep alınğan, dide Rice:

"AQŞ säyäsäte, azaplawğa qarşı kileşüne küz aldında tota, şulay itep azaplaw, wäxşilärçä mönäsäbät kürsätü tıyılğan, häm bu şartlar Amerikanıñ üzendä yä çit illärdä bulğan här ber amerikan xärbienä qağıla."

Prezident George Bush xakimiäte, baştaraq, azaplaw amerikan cirendä genä bula almıy, dip añlatqan ide. Keşe xoquqları oyışmaları, dimäk bu tör soraw alunıñ – Quşma Ştatlardan çittä bula aluına borçılu beldergän ide. Kievta Ukraina prezidentı Viktor Yuçenko belän bergä uzdırğan matbuğat oçraşuında Condoleezza Rice, Amerika Ukrainanı strategik partner bularaq qabul itä, dide, şulay uq ul Rusiädä xökümättän bäysez oyışmalar turında yaña qırıs qanunnıñ äzerlänüenä borçılu belderde, Rusiä, xökümättän bäysez oyışmalarnıñ totrıqlı demokratik cämğiät tözüdäge möhim rolen añlıydır digän ışanuın belderde. Kiçen AQŞ däwlät sekretare Brüsselgä yul tottı.

XS
SM
MD
LG