Accessibility links

Кайнар хәбәр

NATO Äfğanstandağı tınıçlıq saqlaw köçlären könyaqqa taba cäyelderä


Atnakiç könne Brusseldä ütkän oşraşuda NATO illäre tışqı eşlär ministrları Äfğanstandağı tınıçlıq saqlaw köçlären ilneñ könyağına taba cäyelderü planın rasladı. Şuşı plan ğämälgä quıylğannan soñ NATO köçläre Äfğanstannıñ dürttän-öç öleşen kontrol itä başlayaçaq.

Moña qädär NATOnıñ Äfğanstandağı tınıçlıq saqlaw köçläre nigezdä Kabul tiräsen häm ilneñ üzäk öleşlären kontrol itä ide. Atnakiç könne Brusseldä alyans illäre tışqı eşlär ministrları Äfğantsandağı ğäskär sanın arttıru häm anı ilneñ könyağına taba cäyelderü plannın rasladı. Bu qarar turında NATOnıñ general sekretare Jaap de Hoop Scheffer iğlan itte. "Bügen qabul itelgän plan kiläse yılğa ğämälgä quyılğanan soñ Äfğanstanğa östämä berniçä meñ xärbi cibäreläçäk, NATO köçläre ilneñ 4tän 3 öleşendä xäräkät itäçäk, alyansnıñ tözekländerü törkmenäre 13kä citäçäk", dide ul. Alyans citäkçese süzlärençä, bu köçlär bar tieşle äsbablar belän cixazlandırılaçaq, äfğan xalıqın terrorçılar yanawınnan saqlarğa sälätle bulaçaq.

Brusseldä älbättä soñğı könnärdä küp tawış çığarğan Amerika küzläw idaräseneñ Yevropadağı törmäläre turındağı çeterekle mäsälä dä kütärelde. Quşma Ştatlar terroçılıqta ğäyeplängän keşelärne könçığış Yevropa illärendäge yäşeren törmälärdä totuda häm alarnı CİA oçqıçlarında Yevropa östennän başqa illärgä küçerüdä ğäyeplände. Bu totqınnar anda cazalawğa duçar itelergä mömkin digän borçular äytelde. Quşma Ştatlar däwlät sekretare Conoleezza Rice NATO häm Yevropa Berlege tışqı eşlär ministrların aş mäclesenä cıyıp, şuşı mäsälägä qarata Waşingtonnıñ räsmi qaraşların citkerde. "Prezident Bushnıñ säyäsäte açıq häm anıq: Quşma Ştatlar cazalawlar belän şöğellänmi, monı qabul itmi. Tik bu säyäsätneñ bozılu ixtimalı barmı? Älbättä bar. Demokratiä ul äle kamillek digän süz tügel, dide Rice.

NATO illäre Rice''nıñ añlatmaların qabul itte bulsa kiräk. Germaniä tışqı eşlär minsitrı Frank-Walter Steinmeier süzlärençä, Quşma Ştatlar xalıqara yöklämälär mäsäläsendä Yevropa qaraşı belän kileşkän. "NATO häm Yevropa Berlege tışqı eşlär ministrları, dönya citäkçeläre xalıqara qanunnarğa qarata ber qaraşta torırğa tieş digän fiker belderde. Däwlät sekretare Rice bu mäsälädä Quşma Ştatlar Yevropadan ayırılmıy dip ışandırdı. Häm bu yaxşı närsä", dide Germaniä tışqı eşlär minsitrı.

NATO wäkile James Apparthurai süzlärençä, Belgiä häm Nideland ministrları da oçraşuda işetkännäre belän qänäğät qaluların äytkän. Oşraşuda qısalarında şulay uq NATO-Rusiä şurası, NATO-Ukraina komissiäse eşli. Söyläşülär comğa könne däwam itäçäk.

ag
XS
SM
MD
LG