Accessibility links

шимбә, 10 декабрь 2016, Казан вакыты 15:47

Xalıqara köçlär Äfğanstannıñ könyağına kitäçäk


Biredä bügen NATO illäreneñ tışqı eşlär ministrları oçraşa. Köntärtibendäge töp mäsälä – Äfğanstandağı Xalıqara İminlek Saqlawğa Yärdäm İtü Köçläre İSAFnıñ wäkälätlären ilneñ könyağına taba kiñäytü häm ğäskärlär sanın 10 meñnän 16 meñgä qädär citkerü mäsäläse bilgelängän ide. Xärbi köçlärneñ wäkälätlären kiñäytü turında kileşengän dip xäbär itelä. Şulay uq NATO-Rusiä şurası utırışında ministrlar Äfğanstan häm Üzäk Aziä räsmiläreneñ täbäktä äfyün äyläneşenä qarşı xezmättäşlek turında kileşügä qul quyu da kötelä ide. Üzäk Aziä – Äfğanstannan Yevropağa äfyün kertü yulı bulıp tora. Yevropadağı heroinnıñ 90%tı – Äfğanstannan. Kiçä kiç AQŞ däwlät sekretare Condoleezza Rice Brüsseldä NATO häm Yevropa Berlege ministrları belän kiçke aşqa oçraşqan. Anda ul Quşma Ştatlarnı Yevropağa yäşeren oçqıçlarda totqınnar cibärüdä ğäyepläwlär mäsäläsendä añlatmalar birgän. Bügen Brüsseldä barğan utırış turında tulıraq mäğlümat Azatlıqnıñ xalıqara küzätüendä bulaçaq.

XS
SM
MD
LG