Accessibility links

җомга, 9 декабрь 2016, Казан вакыты 18:31

Finlandiä islam cämğıätenä 80 yıl


Ütkän atnada Finlyandiädä yäşäwçe millättäşlärebez öç kön buyı islam cämğiäteneñ 80 yıllığın bäyräm ittelär. Qazan, Peterburg, Mäskäw, Ufa şähärlärennän, Törkiädän çaqırılğan qunaqlar belän berlektä. Bäyräm çaraları Tampere, Yarvinpä şähärlärendä dä uzdı. Yakşämbe könne inde Hel'sinkida mäxällä yortında mäcles belän tämamlandı.

Cämğiätneñ räise Oqan äfände Däher millättäşlärebezne bäyräm belän qotladı.(audio)

Hel'sinki ürnägendä 1943 yılda Tampereda da mäxällä açıla .Anı soñğı 20 yılda Äsät abıy Baybulat citäkli. Ul da bäyräm şatlığı belän urtaqlaştı (audio)

Mäxälläneñ yöz yıldan artıq çit moxittä yäşägän millättäşlärebezne millät bularaq saqlap qaludağı role iskitkeç zur. Bu turıda Rawil xäzrät Ğaynetdinneñ fikerlären tıñlap qarıyq (audio)

Baytaq waqıtlar Finlyandiä islam cämğiäte başqa tatar dönyası belän aralaşudan, ata-babalarınıñ tuğan tufraqların barıp kürü mömkinçelegennän mäxrüm bula. Fäqät altmışınçı yıllar azağında ğına andıy mömkinçelek tua: siräk-miräk kenä bulsa da Qazannan da kilgäli başlıylar, üzläre dz Rusiägä çıqqalıy. Soñğı yıllarda inde xällär bötenläy başqaça (audio Oqan Däher)

Çit cirgä kilep töplänsä dä, kim-xur bulmıy millättäşlärebez. Urındağı xalıqnıñ ixtiramın qazana, matdi häm moral' irkenlektä, kem ul tatar digän sorawğa mondıy cawap birerlek itep yäşi (audio “Tatarstan”jurnalı baş möxärrire Rifat Fättäxov)

Nindi bäyräm inde cır-moñsız! Kiçäne Finlyandiäneñ üz cırçıları Dinä Aziz häm Bätül Xäyretdin, muzıkant Batu Alqara bizäp tordılar.

Finlyandiä islam cämğiäte räise Oqan Däher bäyräm mäclesen yomğaqlap bolay dide (audio)

Gölzadä Kamalova, Sankt-Peterburg.

XS
SM
MD
LG