Accessibility links

якшәмбе, 11 декабрь 2016, Казан вакыты 11:03

Tatar teatrınıñ 100 yıllığına äzerlek başlandı


Professional' tatar teatrına - 100 yıl. Läkin aña xätle dä xannarda tatar teatrları eşläp kilgän. Şuña Tatar teatrınıñ tamırları bik tirängä kitä diärgä nigez bar.

Tatar teatrı citäkçeläre älege bäyräm zurlap uzdırılırğa tieşlegen äytä. Äzerlek inde başlanğan. Küp proyektlar Tatarstan Ministrlar Kabinetına qararına kergän.

Törle täqdimnär inde Tatarstannan çittä eşläp kilüçe tatar teatrların da äytelgän. Mäsälän kiläse yılğa berniçä kön däwamında tatar teatrları festivalen uzdıru küzdä totıla. G. Qamal teatrınıñ baş rejisserı Färit Bikçäntäev tatar teatrlarınıñ inde aña äzerlänä başlawın, häm härqaysı premyera belän kilergä сıyenuın äytä. G. Qamal teatrı bäyrämgä dip Mäxmüt Ğaläwneñ “Möhacirlär“spektaklen äzerli.

Monnan tış 2006 yılnıñ yaz aylarında Qazanda tatar teatrları turında Xalıqara fänni konferensiä uzdıru küzdä totıla.

Tatar teatrınıñ zur bäyräme - 2006 yılnıñ 22 dekaberendä Xalıqara kiçä belän bilgeläp uzılaçaq. Ä xäzerge waqıtta ike tomlı foto al'bomı eşlänä. Anda 100 yıl buyına quyılğan spektakl'lär isemlege, fotolar, dramaturglar turında tulı mäğlümat keräçäk. Monnan tış tatar teatrları turında dokumental' fil'm töşerelä. Rejisserı –Salawat Yuzeev. СD häm multimediäle disklar çığarıla. Tatar dramaturgları, ğomumän tatar tarixına bağışlanğan küp kenä kitaplar näşer itelä. Alarnıñ qayberlären xätta çit ildä çığaru küzdä totıla ikän. Bügenge köndä “Tatar teatrı şäcäräsen” tuplaw bara. Ul zur panno häm plakatta bulaçaq häm teatrda elenäçäk.

G. Qamal teatrı yubiley uñayınnan, Rossiä töbäklärendä dä gastrol'lärgä kübräk bara başlağan. Bu xaqta G. Qamal teatrı direktorı Şamil Zakirov

100 yıllıq uñayınnan Ufada, Samarada, Orenburgta bulıp qayttıq. Kiläçäktä Ästerxanğa barırğa isäp totabız. Şulay uq iyün urtalarında Qazaqstannıñ Almatı şähärenä gastrol'lär belän baraçaqbız. Bu xaqta Tatarstan könnärendä TR Mädäniät ministrı Zilä Wälieva wäğdä itep qaytqan.

100 yıllıq uñayınnan Qazandağı Parij Kommunası uramına tatar teatrına nigez saluçı Ğabdulla Kariev iseme bireläçäk. Läkin xäzer G. Qamal teatrına qaramağında bulğan elekke “Şärıq“ klubı yubileyğa şul kileş qalaçaq. G. Qamal teatrı direktorı Şamil Zakirov anı 2010 yılğa tözekländerelep betär dip farazlıy, ämma tulı ömet bulmawın assızıqlıy. Kiläçäktä anda G. Qamal teatrı muzeen buldıru küzdä totıla.

Landış Xarrasova.

XS
SM
MD
LG