Accessibility links

якшәмбе, 11 декабрь 2016, Казан вакыты 03:35

Fail Äxmätşin Başqortstan Yuğarı mäxkämäsendä ciñde


Xoquq saqlaw oyışmaları eşçänlegenä qağılışlı tağın ike yañalıq. Atnakiç könne Başqortstan Yuğarı mäxkämäsendä Fail Äxmätşinnıñ ğarizası buyınça utırış bulıp ütte. Elegräk tä “Azatlıq” radiosında xäbär itelüençä, Şaran rayonı gäzite möxärrire urınbasarı Fail Äxmätşin 2004 yıl başınnan uq yäğni ike yılğa yaqın inde üz xoquqların yaqlap, mäxkämä yulın taptıy. 2003 yılda Başqortstan Prezidentın saylawlar waqıtında Mortaza Räximovnıñ köndäşe Ralif Safin faydasına eşlägän öçen, anı eşennän alğannar ide. Şunnan soñ Fail äfände gäzit redaksiäse möxärriren mäxkämägä birde. Üze ber epopeyagä äylängän bu mäxkämäneñ soñğı utırışı berniçä ay elek Tuymazı şähärendä ütep, anda mäxkämä qararı Fail Äxmätşin faydasına çığarılğan ide. “Fail Äxmätşinnı yañadan eşenä alırğa häm aña üz ixtıyarınnan tış eşsez yörgän ber yıldan artıq waqıt öçen tulısınça xezmät xaqın tülärgä” digän qarar çığarıldı ul çaqta. Ämma Şaran rayonı gäzite möxärrire bu qarar belän rizalaşmıyça, älege eşne Başqortstan Yuğarı mäxkämäsenä birde. İnde menä atnakiç könne şuşı mäxkämä utırışı buldı häm anıñ qararı da Fail Äxmätşin faydasına buldı.

Fail äfände şuşınıñ belän üzeneñ ğädellek öçen ike yılğa yaqın suzılğan köräşe tämamlanğandır dip uylıy. Härxäldä, Rusiä Yuğarı mäxkämäsenä minem östän möräcäğät itep bulaşmaslar inde, möğayın, digän ışanıçın belderä ul.

Başqortstan Yuğarı mäxkämäsendä atnakiç könne tağın ber kiñ bilgele eş buyınça utırış bulırğa tieş ide. Çit ilgä tıyılğan mäğlümatlar tapşıruda ğayıplänüçe tatar ğalime Oskar Kaybıyşev östennän däwam itüçe mäxkämä eşeneñ çirattağı utırışı 8 dekaber''gä bilgelängän ide. Ämma bu utırış bulmadı. Oskar Qaybışewnıñ äle genä bilgelängän yaña yaqlawçısı, mäxkämä dokumentları belän nıqlap tanışıp çığu maqsatında, bu utırışnı berazğa kiçekterüne sorağan häm sud''ya anıñ bu üteneçenä uñay cawap birgän. Xäzer Yuğarı mäxkämä utırışı 26 dekabergä bilgelängän. Anda Oskar Kaybıyşevka qarata ğaipläw qararı uqıla başlar dip kötelä. Ul qarar 150 bittän tora dilär. Mäxkämä utırışına jurnalistlar kertelmäyäçäk.

XS
SM
MD
LG