Accessibility links

шимбә, 10 декабрь 2016, Казан вакыты 08:25

Sankt- Peterburgta möxtäriättä yaña räis


Aldan xäbär itelgänçä, bu atnada Peterburg milli- mädäni möxtäriätendä saylawlar uzdı. İsegezgä töşeräbez: ike yıl elek saylap quyılğan räisebez Nail äfände Kikiçev üzen bu maqtawlı wazifadan buşatunı ütenep möräcäğät itkän ide. Möxtäriät sovetınıñ ike utırışında bu mäs'älä qaralıp, 7 dekabergä yaña räis saylawları bilgelängän ide. İke lager'ğa bülengän millättäşlärebez ike namzät täqdim ikän idelär: “Sabantuy fondı” räise İrek Galiev Cäfir xäzrät Ponçaev yağınnan häm “Nur” gäzite möxärrire Rinat Mähdiev –eşquarlar lagerınnan. İkençe utırışta İrek Galiev üz urınına “Tatneft' -Baltiqa”direktorı Räis Yärqayıwnı täqdim itte.

Sovet utırışlarında häm saylawlarğa äzerlek eşläre dustanä atmosferada bardı dip äytep bulmıy. Saylaw könne dä möxtäriät binasına cıyılğan xalıq umarta küçen xäterlätä ide. Şulay da Nail äfände Kikiçev, xalıqnı tınıçlandırıp. Räislek täcribäse bulğan Sälim äfände Xäsänovqa süz birde.

Sälim Xäsänov saylawnı kiçekterep torırğa täqdim itte. Berençedän, möxtäriät ustavında qanunğa turı kilmi torğan häm tögäl bulmağan urınnar bar, şul isäptän räis saylaw qağidälärendä dä. İkençedän, Rusiä prezidentı yaña ğına milli- mädäni möxtäriätlär turındağı yaña zakonğa qul quyğan Häm şuşı könnärdäictimaği oyışmalar turındağısı da qaralaçaq. Şulay bulğaç,bu zakonnar ğämälgä kergänne kötsäk, yaxşıraq bulır ide, ä älegä möxtäriät eşlären dürt keşedän torğan räislär sovetı alıp barır ide, dide Sälim Xäsänov.

Ämma anıñ fikeren Rinat Mähdievtan başqa berkem dä xuplamadı häm konferensiäne aldan bilgelängän tärtip buyınça alıp barırğa, yaq ni räisne saylarğa buldılar.Qızğanıç, fiker alışu waqıtında da ike lager' ber-berseneñ argumentların tınıç qına tıñlıy almadı, şaw-şu, ber-bersenä däğwälar citärlek buldı. Xäzrät yağı kilep tuğan nizağta möxtäriät sovetın ğaipläde. Eşquarlar sovetqa üz keşelären genä kertkännär dip. İkençe yaq xäzrät lagerın dini eşlär belän mädäni eşlärne butarğa tırışuda ğaipläde.

Saylawda”Nur plyus”, “Aq qalfaq-Newa”, “Tatarstan”kebek ictimaği oyışmalardan bişär delegat tawış birde- barısı 57 keşe. Küpçelek tawış belän Räis Yarkaev ciñep çıqtı, ul 42 tawış cıydı, Rinat Mähdiewnıñ tarafdarları-14 keşe. Ber byulleten' ğämälgä yaraqsız dip tabıldı.

Konferensiä azağında ike blokta Nail Kikiçev häm anıñ yärdämçese Cämil Gıyniätullovqa millät öçen eşlägän eşläre öçen räxmät äyttelär. Tatarstannıñ daim wäkile Şamil äfände Äxmätşin Nail Kikiçevqa “Duslıq” ordenı bireläçäge turında belderde.

İñ azaqtan yaña citäkçe Räis Yarkaev süz aldı.Räis Yarkaev Tatarstannıñ aznaqay şähärendä tuıp- üskän Ul'yanovskida xärbi uçilişçe tämamlap, Yıraq Könçığışta xezmät itkän. Annan Peterburgta Tıl häm transport akademiäsendä uqığan.orenburgta da eşläp alğan, üze tämamlağan Akademiädä dä uqıtqan.

Gölzadä Kamalova, Sankt- Peterburg

XS
SM
MD
LG