Bağdad -- Ğiraqnıñ eçke eşlär ministrlığı belderüençä, 2 atna elek 4 çit il keşesen totıq itep alğan ğisyançılar räsmilär belän elemtägä çıqmağan. Totıq aluçılar bar Ğiraq törmälärendä utırğan totqınarnı irekkä çığarırğa taläp itkän ide, yuq isä totıqlarnı üterü belän yanağan ide. Alar birgän waqıt şimbä könne çığa. Bügen Ğiraq xökümäte koalitsiä köçläre tarafınnan totılğan 240 totqınnıñ irekkä çığarıluın xäbär itte. Monnan tış 7 Äl-Qaidä äzğasınıñ 10nan alıp 20 yılğa qädär törmägä xökem itelüe turında xäbär itelde. Ğiraqtan kilgän tağın ber xäbärgä qarağanda, bügen anda 4 amerikan xärbie häläk bulğan.
