Bäyrüttä bombalı maşina şartlap Süriägä qarşı Livan deputatı häm media magnat Gibran Tueni hälak buldı.
Bomba Tueni utırğan häm anı ozata baruçı maşinalar uzıp barğanda şartlağan.
Politsiä äytüençä tağın 3 keşe hälak bulğan, unaw yaralanğan.
Elekke premyer ministrı Räfiq Xäririneñ ulına yaqın bulğan grek pravoslav xristian Tueni Livannıñ Än-Naşar gazetı näşire ide.
Ul şulay uq Xäriri üterelgännän soñ Süriä köçläreneñ Livannan çigenüenä kitergän xalıq kütäreleşen citäkläwçelärneñ berse buldı.
Tueninı üterü öçen cawaplılıqnıñ Livannıñ berdämlege häm ireklege öçen köräşüçelär dip atalğan törkem üz östenä aldı.
Parlamentnıñ Süriägä qarşı äğzaları Tueninı üterüne Dimäşq oyıştırğan dide. Süriä bu höcümne räsmi räweştä ğäyepläp çıqtı.
