Accessibility links

җомга, 9 декабрь 2016, Казан вакыты 10:50

Haag mäxkamäsendä elekke xorvat generalı Gotovina üsenä belderelgän ğäyepläwlärne kire qağa


Elekke xorvat generalı Ante Gotovina Haagtağı BMO suğış cinayätläre mäxkamäsendä berençe märtäbä çığış yasap üzenä belderelüçe 7 ğäyepläwne kire qaqtı. Ul 1995-nçe yılda Xorvatiäneñ ber öleşen serb ğisyançılarınnan yawlap alunı citäklägändä keşeleklelekkä qarşı cinayätlär, häm suğış cinayätläre qıluda ğäyeplänä. Mäxkamä wäkile aña belderelüçe ğäyepläwne uqıp "Ğäyeplänüçe Ante Gotovina şäxsän üze yäki berläşkän cinayätçel törkem äğzaları belän bergä Krayina töbägeneñ könyaq öleşendä krayina serbların ezärlekläwne başqarırğa, äzerlärgä yäki planlaştıruğa qotırtqan, bu ğämällärne planlaştırğan, färman birgän, başqarğan, yardäm itkän" dide. Gotovina 4 yıl qaçqın tormışınnan soñ uzğan atnada İspaniäneñ Kanar utrawlarında totıldı. Şimbä könne ul Haagağa kiterelde. Gotovina Bosniä serblarınıñ elekke säyäsi häm xärbi citäkçeläre, äle dä irektä bulğan Radovan Karadjiç belän Ratko Mladiçtan qala Mäxkamä tarafınnan iñ nıq ezlägän 3-nçe keşe ide. Küp kenä xorvatlar öçen ul suğış qaharmanı. Kiçä Split şähärendä anı yaqlap zur demonstratsiä ütkärelde.

XS
SM
MD
LG