Accessibility links

шимбә, 10 декабрь 2016, Казан вакыты 06:05

Rusiä liberal säyäsätçeläre häm keşe xoquqları aktivistları qorıltayğa cıyıldı


Mäskäwdä Rusiäneñ liberal säyäsätçeläre häm keşe xoquqları aktivistları bügen yıllıq qorıltayğa cıyılıp ilneñ bülgälängän oppozitsiäsen berläşterergä çaqırdı. İkençe yıllıq Böten Rusiä Watandaşlar qorıltayı Konstitutsiä könendä ütkärelde. Rusiä konstitutsiäse 1993-nçe yılnıñ 12-nçe dikäberendä referendum aşa qabul itelgän ide. Keşe xoquqların yaqlawçı Mäskäw Helsinki törkeme citäkçese Lyudmila Alekseeva bu cıyınnıñ maqsatı konstitutsiä garantiälägän keşe xoquqlarına däwamlı höcümnärgä qarşı toru dide. Qorıltayda çığış yasawçılarnıñ berniçäse kiläse parlament saylawlarına kiñ koalitsiä tözergä çaqırdı. Rusiäneñ Uñ Köçlär Berlege citäkçese Nikita Belıx demokratik partiälärneñ citäkçeläre yäki demokratik partiälärneñ potensial citäkçeläre berläşergä häm aldağı parlament saylawlarında berdäm demokratik partiä bularaq qatnaşırğa cıyına dide. Qorıltayda çığış yasawçılar arasında Yabloko partiäse citäkçese Grigoriy Yavlinskiy belän elekke premyer ministr Mixail Kasyanov ta buldı.

XS
SM
MD
LG