Yewropa Komissiäse Ğiraq belän säwdä häm xezmättäşlek kileşüe turında söyläşülärne Ğiraqnıñ pänceşämbe saylawlarınnan soñ tözeläçäk yaña xökümäte belän alıp baraçağın belderde.
Komissiä süzçese Emma Udwin Yewropa Berlege ozın çorda berençe märtäbä konstitutsion räweştä saylanğan xökümät belän eşlärgä teli dide.
Udwin äytüençä, ul kileşü üz eçenä bik küp mäs'älälärne alırğa oxşağan.
Berlek inde Ğiraqqa Yewropa bazarlarında östenlekle urın birde häm anı Döya Säwdä Oyışmasına quşıluda yaqlıy.
Berlekneñ tışqı mönäsäbätlär komissionerı Benita Ferrero-Waldner Ğiraqnıñ Berlektäge ilçese Cäwäd äd-Doreki belän Ğiraqta Yewropa Komissiäse wäkillege açuğa mömkinlek birüçe kileşü imzaladı.
