Accessibility links

Wälidineñ 115 yıllığına arnalğan saralar başlandı


Mäğlüm bulıuınsa, Respublika yämäğätselege başqort autonomiähın iğlan itewseneñ yübileyın źurźan bildälämäkse. 16 dekäber Öfölä Ğälim Äxmät Zäki Wälidi Toğandıñ fänni mirasına häm Räsäy federalizmı mäsälälärenä arnalğan fänni ğämäli konferensia ütkärew qarala. Yämäğät eşmäkäreneñ 115 yıllığına arnalğan saralar şişämbe Temästä başlanıp kitte. Wälidi tap oşonda üźe yäşägän yorttoñ iñ yuğarı basqısınan torop başqort autonomiähı turahında iğlan itkän. Ğälimdıñ yubileyına arnap ütkärelgän saralar turahında Temäs tarixi-mäźäni üźäk yetäksehe Rawil Yänsurin höyläy. (audio, Rawil Yänsurin)

Rawil Yänsurin äytewensä, qıźğanısqa qarşı başqort balalarınıñ kübehe üźźäreneñ böyök şäxese turahında belmäy. Şuğa la Temästä Wälidovsılar oyoşmahı oyoştorolğan. Wälidovsılar uqıuźarı ütkärelä. Başqort milli xäräkäte kütärelgän 90-sı yıldarźa uq Temästä Wälidi uramı asılğan.

Respublikanıñ baş qalahı Öföläge uramdarźıñ berehenä lä Äxmät Zäki Wälidi isemen birew turahında hüźźär bulğaynı. Ämmä bıl hüźźär älegä tiklem hüź genä bulıp qala kilä. Fälsäfä fändäre kandidatı Ämir Yuldaşbayıv äytewensä, Äxmät Zäki Wälidi Başqortostandıñ Räsäy sostawındağı älege xälen territoriäl milli-mäźäni möxtäriät tip bahalar ine. Älege köndä bötä respublikalar źa, xatta Tatarstan menän Başqortostan da oşo xoquqí siktär esendä qala, ğälim tere bulha bıl protsestarźı bik źur qıźıqhınıu menän küźätkän bulır ine tigän Ämir Yuldaşbayıv kiñ mäğlümät saralarına birgän äñgämähendä. Ämir Yuldaşbayıv äytewensä, Äxmät Zäki Wälidiźeñ bınan bernisä tistä yıl elek bolşeviktarğa, monarxistarğa, rus demokrattarına, qayhı ber tatar, Törköstan zıyalılarına häm Sovet xökümätenä qarata äytkän tänqit hüźźäre aktual bulıp qala kilä.

Respublikanıñ İşembay rayonında Äxmät Zäki wälidi isemen yörötkän başqort gimnaziahı eşläp kilä. Uqıusılar başlanğısı menän bında ğälimdıñ 115 yıllığına arnap fänni ğämäli konferensia ütte. Uqıusılar unda üźźäreneñ fänni eştären täqdim itte. Ular menän tanışırğa Wälidiźeñ ike tuğan heñlehe Roza Mannanova la kilgäyne. (audio, Roza Mannanova)
XS
SM
MD
LG