Başqortostan urıstarğa quşılıuźıñ 450 yıllığın bildälärgä äźerlänä. Respublika prezidentı Mortaza Räximovtıñ Mäskäwgä eş säfäre barışında federal çinovniktar töp iğtibarźıñ töźölöşkä yünältelewen xuplağan. Ämmä xäźer barıhı la aqsağa barıp törtölä. Oşo aźnala Räsäy finanstar ministrı Aleksey Kudrin Öfögä kiler tip kötölä. Ul Başqortostandıñ Räsäygä quşılıuınıñ 450 yıllığın bayram itewźe oyoştorow komitetı räyese. Aleksey Kudrin Başqortostanda yübileyğä äźerlek eştäre menän yaqından tanışırğa niätläy. Yübileyğä äźerlekkä federal qaźnanan tistälänä milliard aqsa bülew qarala. Respublika prezidentı bığa tiklem 450 yıllıq tasmalar qırqıp, şarźar kütärep yöröüźär menän tügel, anıq eştär menän istä qalırğa teyeş tip beldergäyne. Başqortostan äle üź aqsahına bik küp obyekttarźa yañırtıu eştären başlanı. Kilähe yılğa qaźnanıñ naqıslığın isäpkä alğanda, aqsalarźıñ yetmäwe ixtimal. Aleksey Kudrindıñ Öfögä eş säfäre barışında yübileyźı bildäläw ösön respublikağa bülengän aqsa küläme tağı la ber tapqır anıqlanır tip tä kötölä.
