Accessibility links

шимбә, 3 декабрь 2016, Казан вакыты 01:30

BSO cıyını: global irekle säwdä kileşüenä ireşü


Dönya Säwdä Oyışmasına(WTO) äğza 149il ministırlarınıñ bügen Hong Kongta 18.dikäbergä qädär däwam itäçäk cıyınnarı başlandı. Söyläşülär global säwdä kirtälären cimerü öçen kileşülärgä ireşü mäqsatın quya.

Dönya Säwdä Oyışmasınıñ direktorı Pascal Lamy dönya küläm irekle säwdä kileşüe yarlılıqnı kimetügä yardäm itäçäk disä dä ul andıy kileşügä Hong Kongta ireşü şansı yuq dip äytte.Lamy süzlärençä:

awıl xucalığı, industriä towarları, xezmätlär, säwdä qağıydäläre häm täräqiät mäsäläläre kebek ölkälärdä - global säwdä sistemasında kübräk tigezlek buldıru iqtisadi üseşne arttıru totrıqlılıq häm faqirlekne beterü öçen xäzer tarixi mömkinçelekkä iäbez.Säwdä qağıydälären 21.ğasır çınbarlığına kileşterü şansına iäbez bez uñışqa ireşmäsäk,bolarnıñ hämmäse yuğalaçaq, häveflär hämmäbez öçen dä zur

Bügen Dönya Säwdä Oyışmasına äğza 149 il ministırlarınıñ oçraşuı başlandı,ämma alar säwdä kirtälären kimetü öçen kompromislar yasarğa telär yäki yasıy alır digän şiklär zur. Doha söyläşülärennän birle awıl xucalığı zur problema bulıp tora.Täräqi itüçe illär AQŞ, Yevropa Berlege häm awıl xucalığında tarif häm subsidiälärne citärlek kimetüne kire qaqqan başqa bay illärne ğäyeplilär. Täräqi itüçe illär bezneñ awıl xucalığı, subsidiälängän citeşterü yäki saqlawçı tariflar belän blokadalanğan könbatış bazarında yarışa almıy dip äytä.G-20 dip yöretelgän Braziliä citäklägän ,20 täräqi itüçe il bügen yasağan belderüendä ägär dä global kileşügä waqıtında ireşergä telibez ikän,bay illär aprel ayına qädär awıl xucalığı tarifların kimetkän ölgelären birergä tieş dip äytelä belderüdä. Törkem Hong Kongta cıyılğan WTO ministırlarına awıl xucalığı export subsidiälären şunduq tuñdıru turında kileşergä häm alarnı tämam yuq itü waqıtın bilgelärgä çaqıra.Ämma AQŞ fermerlar törkeme ägär dä Yevropa häm Braziliä pozitsiäsen üzgärtep, ciddi söyläşä başlasa ğına awıl xucalığı bazarın açuğa taba progress bula ala dip äytte Yevropada Britaniä İndustriäse Konfederatsiäse direktorı Digby Jones Yevropa Berlege ile Fransiä awıl xucalığı subsidiälären häm yaqlawçı tariflarnı kübräk kimetergä tieş dide.Yevropa bizenes törkeme UNİCEnıñ direktorı da Berlek ğomumän tariflarnı kimetergä tieş digän fiker belän kileşä. Ämma Berlekeneñ säwdä komissarı Peter Mandelson täräqi itüçe illär industriä tovarları häm xezmätlärgä quyğan üzläreneñ säwdä barieraların kimetmi torıp Yevropa Berlege awıl xucalığı tarifların urtaça alğanda 46% kimetü täqdimen üzgärtmiäçäk dide. Qıtay tışqı eşlär ministırlığı süzçese Qin Gang täräqi itüçe illärgä östenlek birelergä tieş, Qıtay bu turıda kileşügä ireşelüen yaqlıy digän . Ämma cıyın barğan üzäk tiräsendä Dönya Säwdä Oyışmasınıñ cıyınına protest belderelä. Protest belderüçelärneñ berse Walden Bello

10yıl buyına Dönya Säwdä Oyışması täräqi itüçe dönyanıñ zur öleşendä yarlılıq , tigezsezlek, ekonomik torğınlıqtan başqa ber närsä dä kitermäde.Bu täräqiät öçen eşläwçe oyışma tügel. Ul zur şirkätlär arası säwdäne alarnıñ tabışın yaqlıy tirä yüngä zarar kiterä , ul keşelärgä qarşı oyışma dip äytte protest belderüçe W.Bello

Oyışmanıñ direktorı Lamy Hong Kongqa kilgän wäkilçeleklärne bäxäsläşep utırmasqa ciddi söyläşülär alıp barıp, global säwdä bariäraların cimereregä çaqırdı.

Distälärçä protest belderüçe bügen P.Lamy cıyınnnı açqan çığışın yasağanda binağa bärep kerep ,globalizatsiägä qarşı şiğarlar qıçqırdı. Bu waqıyğä cıyın üzägendä şauşulı atmosfera xasıyl itte häm şuşı xäl yabıq işeklär artında atna buyı däwam itär dip kötelä färidä xämit
XS
SM
MD
LG