Accessibility links

дүшәмбе, 5 декабрь 2016, Казан вакыты 05:21

Ğarif Axunovnıñ tuuına 80 yıl


Gömer buyı rässam bulırğa xıyallanğan ädip Ğarif Axunovnıñ tuuına 80 yıl. Zamanında optimistik ruxta icat itelgän roman povest'lärdä tärbiälängän uquçılar anı iskä alu öçen düşämbedä Tinçurin teatrında cıyıldı. Prozaik, dramaturg, publitsist, yazuçılar berlege räise, deputat häm tatar ädäbiäteneñ aq saqalı Ğarif Axunovnıñ ädäbiätkä salğan eze menä şundıy. Ul berkemne dä qabatlamas olı şäxes ide.

Ğarif Axunov härwaqıt xäräkättä, icat eşendä bula. Qaharmannarı da üze kebek tırış xezmät keşese, yal itkän arada yış qına qälämen pumala alıştırğan. Ul yäşeren räweştä räsem yasıy.

İskä alu kiçäsendä Ğarif Axunovnıñ 5 tomlı “Saylanma äsärläre” kitabın da täqdim itü buldı. Kitapqa “İdel qızı”, “Xäzinä” kebek küp kenä äsärläre kergän. Tamaşaçılar şulay uq, yaña ğına tabadan töşkän yazuçı turında istäleklär kitabı belän tanışa aldılar. Cıentıkta yazuçınıñ icatı häm tormışı xaqında anıñ dusları, icattaşları, xezmättäşläre tarafınnan yazılğan illedän artıq mäqälä häm Ğarif ağanıñ üze yasağan räsemnäre urın alğan.

Gölnaz Şäyxetdin

XS
SM
MD
LG