Accessibility links

якшәмбе, 11 декабрь 2016, Казан вакыты 09:06

“İñ yaxşı sıynıf citäkçese” isemen layıqlılar yawlağanmı?


Dekaber başında “İñ yaxşı sıynıf citäkçese-2005”dip isemlängän respubliqa külämendä ütkärelgän bäyge näticäläre tatar cämäğätçelege arasında qarşılıqlı fikerlär häm qänäğätsezlek tudırdı. Respublikanıñ tatar telendä bastırıluçı gäzitlärendä dä , bäyge turında mäğlümat bik tıynaq qına buldı.Ämma matbuğatta qıçqırtıp tänqit süzläre äytüçelär dä häm bik şaprınıp maqtawçılır da bulmadı. Bu bäygeneñ näticälärennän bilgele buluınça , Respublika külämendä ütkärelgän bu bäygedä berençe, ikençe, häm öçençe urınnarnı yaulawçılar isemlege arasında ike teldä, yäğni rus häm tatar tellärendä eşne alıp baruçı klass citäkçeläre mondıy maqtawlı urınnarnı yaulıy almağannar. Konkursantlar arasında tatar telendä tärbiä eşen alıp baruçı sıynıf citäkçeläre ällä qatnaşmağanmı soñ? Ällä alar yarım finalğa da çığa almağanmı? ,-digän soraw tuu säbäple , monıñ säbäbe nidän ğibärät ikän? Dip, bez Mäğärif häm fän ministrlığınıñ bu eştä cawaplı itep täğäyenlängän tärbiä eşen üsterüdä häm östämä belem birü bülegeneñ başlıq urınbasarı El''wira Safina belän äñgämäläşep alırğa buldıq Ul, tatarça söyli almıym , tik rusça äytergä mömkin bulsa ğına äytä alam” – dide.

Bez quyğan maqsatıbızğa ireştek. Bäygeneñ näticäläre belän qänäğätbez. Şundıy unikal'' , qızıqlı, ürnäk bulırlıq klass citäkçelären taptıq” dide ul.

Bilgele buluınça, Tatar Däwlät gumanitar pedagogika universitetı ike premiä bilgeli : berse anıñ “Ğorurlıq öçen” dip atalsa, ikençese yäş buınnı tärbiäläwdä milli ğöref-ğadätlärne saqlaw häm üsterü öçen”dip atala . “Ğorurlıq” bülägen alar berençe urınğa layıq bulğan Yelena Kloçkovağa tapşırsalar, ikençesen- finalğa çığuçı 7 qatnaşuçı arasında bulğan Çistay rayonınıñ Möslim urta mäktäbeneñ sıynıf citäkçese Alsu Xäbibullinağa tapşıralar. Ä 19 qatnaşuçı isemlege arasında bulğan Bögelmä rayonınıñ Qıdaş töp belem birü mäktäbeneñ Mö’minova Xalisä lawreatlar isemlegenä kerä häm “ Ciñügä omtılış ” diplomı belän büläklänä.Ä Sarman rayonınıñ Saralı ğomum belem birü mäktäbe sıynıf citäkçese Roza Şamgunova bäygedä qatnaşqan öçen diplom belän häm barlıq qatnaşuçılar kebek 10 minimal'' xezmät xaqı külämendä aqça belän büläklänä.

Sez üzegezneñ bäyge nigeznamäsen tözegän waqıtta maqsat itep iñ yaxşı klass citäkçelären bilgeläw öçen , ike däwlät telen dä yaxşı belüçe belgeçlärne açıqlıy alırlıq maqsat quya alasızmı?- digän sorawğa ul bolay cawap birde audio “Rus xalqınıñ tel xoquqları räncetelmäsen öçen bez ike teldä eşne alıp barunı maqsat itep quymadıq”,- dide

Respublikada tärbiäne ike teldä alıp baruçı sıynıf citäkçeläreneñ tel xoquqların räncetmiçä ütkärelä torğan konkurslar nindi bulırğa tieş soñ?- digän soraw tuu säbäple,

Bäyge ütkännän soñ TDGPU nıñ pedagogika fännäre doktorı, professor Änwär Xuciäxmätovtan anıñ bu bäyge turında fikeren soraştıq . “Respublika külämendä oyıştırılğan bu bäygedä respublikanıñ milli mäktäplärendä eşli torğan sıynıf citäkçeläreneñ , şulay uq qatnaş urıs mäktäplärendä ike teldä dä äybät näticäle eş alıp bara torğan häm tatar telendä eşläwçe sıynıf citäkçeläreneñ eşçänlegenä obyektiv bäya birelmäde Bu zur xata, häm ul tözätelergä tieş”,-dide ul

Mäğärif häm fän ministrlığınıñ tärbiä eşen üsterüdä häm östämä belem birü bülege başlığı Rewo Wağiz ulı Wälievneñ bäygedä qatnaşqan klass citäkçeläreneñ yaulağan urınnarı turındağı fikere mondıy ide

“Respublikada 27 meñ klass citäkçese bar. Tatar klasslarında tatarça eşlilär, rus klasslarında rusça eşlilär .Bäygedä 66 konkursant buldı. Şul konkursantlarnıñ 12 se tatar telendä eşläwçe klass citäkçeläre ide Alarnıñ 3се finalğa çıqtılar. Häm şaqtıy ğına maqtawlı urınnarnı aldılar. . Alar töşep qalmadılar”dide .

TR mäğärif häm fän ministrı urınbasarı Ayrat Qanafi ulı Zinnurov:

“Aldağı yıllarda bäygelärne ütkärgändä bulğan citeşsezleklärne isäpkä alıp eşläyäçäkbez” dide. Ä axırda, Rewo Waliev, alda ütkäreläse bıyılğı “Tatarstan çişmäse” bäygesenä alar tatar kompozitorlarınıñ äsärlären başqaruçı kollektivlarnı çaqıraçaqların belderde.

Mälikä Basıyr, Qazan

XS
SM
MD
LG