Accessibility links

шимбә, 10 декабрь 2016, Казан вакыты 09:57

Paqstan İrannıñ tınıç maqsatta atom energiäsen qullanu xoquqın yaqlıy


Paqstan İrannıñ tınıç maqsatlarda atom energiäsen qullanu xoquqın yaqlawın häm İranğa qarşı köç qullanuğa qarşı buluın belderde. Tışqı eşlär ministrı Xurşid Mäxmüt Kasuri İslamabad İrannıñ atom programması turında Tähran belän Yewropa Berlege arasında barğan söyläşülärne xuplıy dide. Kasurinıñ İran tışqı eşlär ministrı Manuçir Mottaqinı qabul itkändä äytkän süzlären Paqstan tışqı eşlär minsitrlığı citkerde. Britaniä, Fransiä, Germaniä belän İran arasında İrannıñ atom programmasın turında söyläşülärneñ yaña öleşe 21-nçe dikäbergä bilgelängän. Mottaqi xäbärçelärgä Kasuri belän iqtisadıy xezmättäşlekne kiñäytü häm Äfğänstandağı wäzğiät turında süz alıp barıldı dide. Mottaqi barlıq diärlek mäs'älälär, krizislar häm problemalar turında İran belän Paqstannıñ qaraşaları urtaq dide. 2 könlek bu säfär barışında ul prezident Pärwäz Möşärräf häm premyer ministr Şäwkät Aziz belän dä oçraşırğa cıyına.

XS
SM
MD
LG