Accessibility links

җомга, 9 декабрь 2016, Казан вакыты 14:51

Könçığış Aziä illäreneñ yaña forumı oyıştı


Biredä 16 ilneñ citäkçeläre Könçığış Aziädä iqtisadıy häm säwdä xezmättäşlegen nığıtu maqsatında yaña forum oyıştırdı. Kuala Lumpur oçraşuın citäkläwçe Malayziä premyer ministrı Abdulla Äxmät Bädäwi yaña Könçığış Aziä Sammitı oyıştırıluın iğlan itte. "Bez barıbız da xezmättäşlek arta başlağanda, xezmättäşlek köçäyä barğanda, añlaşu däräcäse yaxşırğanda kiläçäktä Könçığış Aziä cämäğätçelege çınbarlıqqa äwereläçäk dip kileştek" dide Bädäwi. Rusiä prezidentı Vladimir Putin Könçığış Aziä Sammitında küzätüçe bularaq qına qatnaştı. Ämma xäbärçelär äytüençä, oçraşu waqıtında Rusiäne äğza bularaq alu turında urtaq fikergä kilenmägän. Qayber bu törkemne yaqlawçılar anı Aziä irekle säwdä törkeme itep kürülären äytä. Sammitta Yaponiä, Qıtay, Könyaq Korea, Hindstan, Awstraliä, Yaña Zelandiä şulay uq Könyaq-Könçığış Aziä Däwlätläre Berläşmäse qatnaşa. Bu berläşmägä Brunea, Kambodji, İndoneziä, Laos, Malayziä, Myanmar, Filipin, Singapur, Tailand häm Vietnam kerä.

XS
SM
MD
LG