Bu könnärdä Qazanda kürenekle kompozitor Almaz Monasıypovnıñ 80 yäşlegenä bağışlanğan zur yubiley kiçäse uzdı. Kiçädä 30 yıl däwamında yañğıramağan 3nçe simfoniä, meñellıq Qazanğa bağışlap maxsus yazılğan bäyräm uvertyurası uynadı. Şuşı könnärdä respublikanıñ mädäniät ministrlığı Almaz Monasıypovnıñ simfonik köylären tuplağan kompakt disk ta çığardı.
Ä pänceşämbedä Tatarstan prezidentı Mintimer Şäymiev Almaz Monasıypovqa “Danlı xezmäte öçen” medal' tapşırdı. Mondıy büläkkä respublikada 54 keşe layıq bulğan. Alar arasında kürenekle fän, mäğärif, sälämätlek saqlaw häm mädäniät eşlekleläre bar.
