Accessibility links

якшәмбе, 11 декабрь 2016, Казан вакыты 14:58

"Azatlıq"ta yañğırağan tapşırunı bulaçaq jurnalistlar tikşerde


Yal könnärendä “Üzebez” yaña buın xäräkäteneñ “Yaña buın häm matbuğat ” dip atalğan tügäräk östäleneñ niçek ütkäne turında tapşıru tıñlağan idegez, xörmätle tıñlawçılar. Pänceşämbe könne "Azatlıq"ta yañğırağan tapşırunıñ temasın bulaçaq jurnalistlar tikşerde.

Uzğan atnada uzdırıluğa“Yaña buın häm matbuğat” dip atalğan tügäräk östälne “Üzebez” yaña buın xäräkäte liderları oyıştırğan ide. İnde ber atnadan artıq waqıt uzsa da älege söyläşüneñ aktual'lege yuğalmıy. Tügäräk östäldä Qazan däwlät universitetınıñ tatar jurnalistikası studentları üzläre qatnaşmaslar da, älege çara turında “Azatlıq” radiosı aşa işetkännär häm tatar matbuğatı häm ğomumän tatar milläteneñ xaläte alarnı da borçıy ikän. Tatar kongressı binasında cıyılğan 50 läp bulaçaq tatar jurnalistlarınıñ söyläşüläre barışında bik küp temalar kütärelde. Menä şularnıñ qayberläre turında yäş jurnalistlarnıñ fikerläre:

“- Sarı matbuğatnıñ küpläp çığuı näticäsendä, bezneñ uquçılar nadanğa äylände. Xäzer bez anı tärbiäli almıybız.

- Bügenge jurnalistlar köçle bulsın öçen minemçä, alarnı universitettan äzerlärgä kiräk. Tatar jurnalistikası fakul'tetında min uqunı köçle dimäs idem. Çönki bez tatar bülege bulsaq ta, 75 protsentqa yaqın däreslär rus törkemnäre belän bergä uzdırıla. Tatar telendä jurnalistikağa qağılğan däreslär bulsa da, alarnı kübesençä praktik jurnalistlar uqıta.

- Bezneñ matbuğatta tänqidi materiallar citmi. Häm şuña kürä xalıq tübän mädäniät belän çiklänep qala, ä yuğarı mädäniät çittä qala. Äytik, balet, opera häm başqalar. Häm bügen şuşı yuğarı mädäniät belän tärbiäli ala torğan jurnalistlar äzerlärgä kiräk”.

Bu äñgämäne alıp barğan Rimzil Wäli biredä kütärelgän kisken problemalar turında bäxäsne tağın da däwam tiergä wäğdä birde. Bu turıda maxsus analitik tapşıru kiläçäktä “Azatlıq” efirında yañğırayaçaq.

Gölnaz Şäyxetdin

XS
SM
MD
LG