Accessibility links

шимбә, 3 декабрь 2016, Казан вакыты 09:57

Qazaxstan nefte Qıtayğa yul aldı


Qazaxstan belän Qıtaynı totaştıruçı yaña neft' ütkärgeçkä Qazaxstan nefte qudirila başladı. Preziden Nursoltan Nazarbayev başqala Astanädä töymägä basıp 700 million dollarlıq ütkärgeçne eşlätep cibärde. Nazarbayev bu Qıtay belän Qazaxstannıñ iqtisadıy mönäsäbätlärendäge iñ möhim waqıyğa dide. "Duslıq, tatu kürşelek mönäsäbätläre kileşüenä häm üzara şäxsi duslıqqa tayanıp bez räis Hu Jintao belän 2004-nçı yılnıñ mayında bu ütkärgeçne tözergä kileştek. Min 1997 yılda bu turıda berençe märtäbä süz kütärgändä härkem moña utopia, mömkin bulmağan närsä dip qaradı. Qazaxstan üzeneñ barlıq bäysezlek yıllarında utopianı çınbarlıqqa äyländerä kilde" dide Nazarbayev. Meñ çaqrım ozınlıqtağı ütkärgeç Qazaxstan üzägendäge Atasu belän Qıtay çigendäge Alaşankunı totaştıra. Anı ike ilneñ däwlät energiä şirkätläre bergäläp tözede. Ütkärgeç yıl sayın Qıtayğa 20 million tonna neft qudırırğa tieş.

XS
SM
MD
LG