Accessibility links

шимбә, 10 декабрь 2016, Казан вакыты 19:36

FSBnıñ elekke ofitserı Beslan eşe qaralğan mäxkamädä çığış yasadı


Rusiä Federal İminlek Xezmäteneñ Tönyaq Kafkaz bülegeneñ elekke citäkçese Valeriy Andreev Beslanda totıqlar alu öçen cawaplı törkemdäge berdän ber isän qaluçı dip isäplängän Nurpaşi Kulayev eşe qaralğan mäxkamädä şähadätlek qıldı. Belsan mäktäbendä üterelgännärneñ tuğannarı inde küptännän Andreevnıñ Tönyaq Osetiä yuğarı mäxkamäsenä kilüen taläp itä. Anıñ mäxkamädä ni söyläwe turında täfsille mäğlümät yuq. Mäxkamä Kulayev advokatlarınıñ Rusiä baş prokuror urınbasarı Sergey Fridinskinı häm Tönyaq Osetiä prezidentı Taymuraz Mamsurovnı mäxkamägä çaqıru turındağı möräcäğäten kire qaqtı. 2004-neñ 1-nçe sintäberendä qorallı keşelär Beslan mäktäbendä 1 meñläp keşene totıq itep aldı. 3 könnän krizis qan qoyu belän çişelde. 330-lap qorbannıñ küpçelege balalar. İsän qalğannar Rusiä xakimiätläre qotqaru eşen naçar alıp barğanğa qorbannarnıñ küp buldı di.

XS
SM
MD
LG