Accessibility links

Ğiraqta ütüçe parlament saylawlarında tawış birü tämamlandı


33 meñnän artıq tawış birü urınında saylawçılarnıñ tawış birüdä aktiv qatnaşuı turında xäbär itelä. Ğinwar ayında ütkän soñğı saylawlarğa boykot iğlan itkän sönnilär bu yulı ayıruça aktiv qatnaştı dielä. Ğiraq üzäk saylaw komissiäse saylawçılarnıñ küpläp qatnaşuı säbäple tawış birüne ber säğätkä ozaytırğa mäcbür buluı turında belderde. Saylaw näticäläreneñ qayğan iğlan iteläçäge bilgele tügel. Uzğan saylawlarda ul ike atnadan ğına iğlan itelde. Ğiraq saqlanu ministrı Sädun äd-Dulaimi Azatlıq radiosına Ğiraq tarixi çornı ütte dide. Köç qullanular çağıştırmaça zur bulmadı häm nıqlı iminlek çaraları kürelü säbäple saylawçılarğa ällä ni qomaçawlamadı. Tawış birü başlanğanda Bağdadta berniçä şartlaw buldı. Nıq saqlanğan yäşel zonadağı xökümät binalarına yaqında zur şartlaw buldı. AQŞ xärbiläre äytüençä, 2 sivil häm ber amerikan soldatı ciñelçä yaralanğan.
XS
SM
MD
LG