Accessibility links

пәнҗешәмбе, 8 декабрь 2016, Казан вакыты 09:05

Tatnet yañalığı: www.xat.ru – tatarça e-poçta açıldı


İnternetta tatarça aralaşırğa teläwçe tatarlar öçen, 3 törle grafikada eşläwçe internet säxifä açıldı. Bu säxifä, ğädäti säxifä tügel. Bu – tatarça xat xezmäte. Mail.ru kebek buşlaw poçta säxifäläre turında, internettan yıraq torğan keşelär dä xäbädlär xäzer. Bu xat.ru säxifäse, mail.ru kebek saytnıñ tatarçası. www.bulmas.ru säxifäseneñ xucası Ruzil Möxetdinov, monnan berniçä yıl elek xat xezmäten yasarğa cıyınuı turında äytkän ide. İnde menä eşen axırına qädär iletep citkergän küräseñ. www.xat.ru säxifäse eşli başladı. www.xat.ru säxifäse poçta xezmäten kürsätüçe başqa saytlar kebek uk, başta terkälü ütärgä täqdim itä. Telisez ikän, tatarça kirilça, telisez ikän, tatarça latinça. Urısça da mömkin. «Isem», «serle süz» kertep, poçta tartmasın açasız da, tatarça xatlar yazıp cibärä alasız. Barlıq tatarça xäreflär, şuşı www.xat.ru saytında kürenä. Ämma, xat aluçınıñ da tatarça xäreflärne uqu öçen maxsus programmalarnıñ quyılğan buluı kiräk. Yäki, sez xat yaza torğan keşe dä, şuşı uq www.xat.ru xezmäten qullana torğan bulırğa tieş. Başqaça, söyü, sağınu süzläre barıp citmäyäçäk.

Andıy tatarça xezmätlärne, www.bulmas.ru saytınıñ xucası Ruzil Möxetdinov qına tügel, başqa yegetlär dä eşläp qaradı. Mäsälän, entuziastlar törkeme tarafınnan, www.google.com da tatarçalattırıldı. Bezlänegezçe bu ezläw säxifäse. Çınlıqta, anıñ tışlığı, qullanuçı öçen küreneşe genä tatarça latinça xäreflär belän kürenä başladı. www.google.com belän bergä www.gmail.com xezmäte dä tatarçağa äwerelergä mömkin.

Bikä Timerova.

XS
SM
MD
LG