Accessibility links

пәнҗешәмбе, 8 декабрь 2016, Казан вакыты 19:20

Balalar häm yäşlär arasında gäcitlärne internettan uquçılar arta


Balalar häm yäşlär öçen çığuçı gäcit-jurnallarğa bağışlanğan matbuğat oçraşuında “Tatmedia” agentlığı general' direktorı urınbasarı Sömbel Taişewa, “Sabantuy” balalar gazetası baş möxärrire Aydar Gıymadıyev belän“Молодежь Татарстана” yäşlär gazetası baş möxärrire Ramil Kadıyrov qatnaştılar.

“Tatmedia” wäkile balalar häm yäşlär matbuğatı byudjettan finanslanuın, uñay eşçänlek öçen barlıq şartlar tudırıluın äytte. Ämma ni säbäple soñ tiraj üsmi, qızıqsınu kimi. Gäcitlärneñ baş möxärrirläre berençe çiratta monı balalarnıñ dönyağa qaraşı, qızıqsınuı üzgärü belän añlattılar. Televidenie, internet zamanı kilüen bilgelädelär. Tormışqa İnternet ütep kerü belän bergä ğacizlärneñ dä kübese xäzer üz saуtların buldırdı. “Молодежь Татарстана” gäcite baş möxärrire basmanıñ saytına kerüçelär artuın, ä gäcitneñ tirajı kimüen bilgeläp uzdı. İnternetqa kübräk yäş buın kergänne isäpkä alsañ, bu xäl kiläçäktä tağın da artaçaq. Çönki yuğarı texnologiälär inde awıllarğa da ütep kerä başladı.

“Sabantuy“ gäcite saytı berniçä ay elek buldırılsa da, täqdir itüe bu pänceşämbe könne uzdı. Gäcitneñ baş möxärrire Aydar Gıymadıyev anı kübräk Tatarstannan çittä yäşäwçe balalar xat yaza alsın öçen eşlänüen äytte. Ä berençe xat bik yıraqtan - Tatarstannıñ Quqmara rayonı uquçısınnan kilgän. Dimäk inde rayon-awıl balaları da gäcitne internettan uqiу bulıp çığa.

Qızıqsındıru öçen “Sabantuy” häm “Молодежь Татарстана” baş möxärrirläre törle ısullar ezläwlären äytte. Bäygelär, viktorinalar uzdıralar. Ämma monıñ belän genä şaqqatırıp bulmıy - küñel açuğa bäyle formalar taläp itelä. Törle intim räsemnär, älege temağa bäyle açıqtan-açıq yazmalar turındağı gäzitlärneñ tiz taraluı äytelde matbuğat oçraşuında. Läkin däwlät qarmağında bulğan basmalar monıñ belän artıq mawığa almıy. “Sabantuy” gäzite baş möxärrire Aydar Gıymadıyev şähär häm awıl balaları arasında ayırma zur buluın bilgeläp uzdı.

Şähär häm awıl balası öçen dä yaraqlı gazetanı ber mäldä bez çığara almıybız. Ämma bu yunaleştä eşlibez.

Matbuğat oçraşuında şulay uq yılına ber tapqır sotsiologik soraştıru uzdırırğa kiräklegenä basım yasaldı. Balalar häm yäşlär öçen çığa torğan gäcitlärgä reklama citmäw äytelde. Monıñ öçen byudjetta ber tien dä aqça qaralmağan. Kiosklar arqılı bu gäcitlärneñ az taraluı assızıqlandı.

Landış Xarrasova.

XS
SM
MD
LG